28.10.2018 - 10:52
Pasi Kroacia arriti finalen e Botërorit të Rusisë në verën e këtij viti, Presidentja e këtij shteti, Kolinda Grabar-Kitarovic mori një vëmendje të madhe në mbarë botë teksa u shfaq në tribunat e stadiumit krah homologut të saj francez Macron.
Por Kolinda di të tërheq gjithmonë vëmendjen dhe të bëjë për vete publikun. Së fundmi, ajo mori pjesë në një event bamirësie në Zagreb, ku i pranishëm ishte edhe këngëtari i famshëm nga Bosnja Mate Bulic, por sërish vëmendja shkoi te Kolina.
Pas fjalimit të saj, 50-vjeçarja mori mikrofonin dhe këndoi këngën “Domu mom” së bashku me këngëtarin Bulic.
Në muajin korrik, Kolinda vizitoi edhe Shqipërinë, ku u nderua me titullin “Qytetare Nderi” në Berat.
