Avdullah Hoti, Shefi i Grupit Parlamentar të Lidhjes Demokratike të Kosovës, të martën ka thënë se krijimi i ushtrisë është proces që nuk mund ta ndal askush dhe atë do ta bëjnë në bashkëpunim me aleatët.
Hoti, duke shkruan në profilin e tij në Facebook, këtë reagim e bëri pasi një ditë më parë presidenti i Serbisë, Aleksandar Vuçiç kishte thënë se formimi i Ushtrisë së Kosovës do të shkaktojë shok dhe ankth.
“Dje Presidenti i Serbisë Vuçiç formimin e Ushtrisë së Kosovës e kualifikoj si diçka që do të shkaktojë shok dhe ankth. Kjo mund të jetë e vërtetë por vetëm për ata që thirrjet për paqe dhe stabilitet në rajon i kanë kamuflime për të realizuar ambicie të vjetra, ndryshime kufinjësh në Ballkan dhe gllabërim tokash. Kjo gjithashtu mund të jetë e vërtetë edhe për ata që punojnë kundër interesave euro-atlantike në rajonin tonë”, ka shkruar Hoti.
Ai thotë se formimi i ushtrisë do të përcaktoj paqe dhe siguri në rajon si dhe shtrirje e forcim të gjeopolitikës euro-atlantike.
“Prandaj krijimi i saj është proces që nuk mund ta ndal askush dhe atë do ta bëjmë në bashkëpunim me aleatët tanë”, ka shkruar ndër të tjera Hoti. /Konica.al
VAZHDO TË LEXOSH MË TEPËR PËR TEMËN
Kosova afër anëtarësimit edhe në një organizatë
