Pezullohet për një vit gjyqi për Bledar Jambellin, i akuzuar si porositësi i vrasjes së komisar Artan Cukut.
Bledar Jambelli gjykohet në mungesë, ndërsa pezullimi i gjyqit është bërë me qëllim njoftimin e të pandehurit.
Për vrasjen e Artan Cukut, vuan dënimin ekzekutori Mikel Shallari. Ai mban edhe emrin Rikardo Muho.
Nga hetimet ka rezultuar se Cuku u vra për shkak të detyrës dhe ne burg per kete ngjarje, i dyshuar si atentatori eshte shtetasi Mikel Shallari.
Dyshohet se Jamblelli ka kontraktuar Shallarin dhe e ka paguar per te bere vrasjen. Si fillim Jambelli i dha Mikel Shallarit 3 mijë euro. Nderkohe qe pjesa tjetër e parave do t’i jepej pasi të përfundonte punën.
Kryekomisari i ndjerë Cuku, në dhjetor të vitit 2012 ka arrestuar shtetasin Bledar Jambelli.
Arrestimi i tij u krye për vrasjen e Armando Delajt, ngjarje e ndodhur në 2012. Së fundi mësohet se Jambelli është shpallur në kërkim ndërkombëtar nga Krimet e Rënda.
“Shtetasi Bledar (Rikardo) Jambelli (Muho) shpallet në kërkim me kartelë të ‘kuqe’, pasi më shkresën nr.3303, datë 17 prill 2018, Prokuroria e Krimeve të Rënda, Tiranë, ka dërguar urdhrin e datës 12 qershor 2017 për ekzekutimin e vendimit nr.292, të datës 12 qershor 2017 të Gjykatës së Krimeve të Rënda, e cila ka caktuar masën e sigurisë ‘arrest me burg’ për veprën penale ‘Vrasje e punonjësit të policisë së shtetit”, në bashkëpunim, parashikuar nga neni 79/b të Kodit Penal.
E ndjek Seksioni për Krimet ndaj Jetës. Të ndalohet”, ky është urdhri i shpalljes në kërkim ndërkombëtar të Bledar Jambellit.
VAZHDO TË LEXOSH MË TEPËR PËR TEMËN
