Festime të mëdha janë mbajtur në Paris për 100 vjetorin e paqes pas përfundimit të Luftës së Parë Botërore, ku u mblodhën liderët botërore, mes të cilëve ishte edhe presidenti i vendin tonë Ilir Meta.
Por edhe pse një organizim madhështor, pati edhe skena që dilnin jashtë protokollit. Ndërkohë që presidenti i Francës, Emanuel Macron, takon një grua 100-vjeçare e lindur në të njëjtin vit kur kishte mbaruar Lufta e Parë, ajo shprehet se “kjo është fantastike”. “Është fantastike”, thotë gruaja e moshuar, “që t’i jap dorën presidentit të Republikës”.
Ndërkohë gjatë fotos, ajo duke dashur të kuptojë se me kë ishte afër e pyet kancelaren e Gjermanisë Angela Merkel nëse ajo ishte zonja Brigitte Macron.
“Ju jeni zonja Macron?”, i drejtohet 100-vjeçarja franceze Merkelit. Por Angela Merkel i përgjigjet në mënyrë shumë të sjellshme se ishte kancelarja e Gjermanisë, madje duke ia përsëritur disa herë në vesh këtë gjë.
