Faktet rreth ciklit menstrual të parregullt
Nëse cikli juaj menstrual është i parregullt duhet të gjeni arsyen, duke u konsultuar me mjekun specialist.
“Të paktën 30 për qind e grave kanë cikle të parregullta”, thotë Amy Autry, MD, Profesor Klinik i Obstetrikë-Gjinekologjisë dhe Shkencave Riprodhuese në Universitetin e Kalifornisë në San Francisko. Ndërkohë një cikël i parregullt zakonisht mund të sinjalizojë ndërlikime të ndryshme shëndetësore.
Kur është një cikël i parregullt?
Një cikël normal menstrual zgjat 28 ditë, plus ose minus ndonjë ditë. Gjakderdhja menstruale konsiderohet e parregullt nëse ndodh më shpesh se çdo 21 ditë ose zgjat më shumë se 8 ditë.
Për të përcaktuar nëse menstruacionet janë të parregullta, llogaritet nga dita e fundit e ciklit tuaj dhe nuk numërohet dita e parë. Përsëriteni këtë për tre muaj. “Nëse numri i ditëve midis ndalimit dhe fillimit të ciklit ndryshon dukshëm çdo muaj, ju keni një cikël të parregullt”, thotë Dr. Autry.
Shkaqet e cikleve të parregullta
Në shumë raste, ciklet e parregullta lidhen me një kusht të quajtur anovulation, kjo do të thotë se ovulacioni nuk ka ndodhur gjatë ciklit menstrual, zakonisht për shkak të disbalancës hormonale”, shprehet Autry.
Koha e ovulimit mund të ndryshojë shumë nga muaji në muaj. Kjo është për shkak se stili i jetesës dhe ndonjë problem shëndetësor mund të ndikojnë në ciklin tuaj menstrual.
Faktorët e mëposhtëm mund të shkaktojnë cikle të parregullta
Stërvitje ekstreme ose dieta
Ushtrimet e tepërta mund të largojnë kohën e ciklit menstrual dhe ndonjëherë ta ndalojnë atë. “Është e zakonshme që atletët të kenë cikle të humbura”, thotë Autry. Duke qenë nën peshë, qoftë nga ushtrimet ekstreme, dieta, një çrregullim i ngrënies ose një sëmundje, mund të shkaktojnë efekte në cikël.
Stresi
Stresi kronik apo ankthi afatshkurtër mund të shkaktojë disbalancë të hormoneve, duke e bërë ciklin e parregullt.
Sindromi ovarian policistik (PCOS) (një sëmundje metabolike).
Kjo gjendje shëndetësore ndërhyn në ovulimin e rregullt. Gratë me PCOS zakonisht kanë një histori të cikleve të parregullta. Përveç shkaktimit të infertilitetit, PCOS mund të rrisë rrezikun e diabetit dhe sëmundjeve të zemrës.
Sëmundje të tjera
Çrregullimet e funksionit të tiroides mund të shkaktojnë cikle të parregullta. Sëmundjet seksualisht të transmetueshme, diabeti, çrregullime e të ushqyerit dhe endometrioza janë ndikuese gjithashtu.
Mosha
Kur adoleshenteve i fillon cikli menstrual, mund të mos vijnë gjithmonë në të njëjtën datë të çdo muaji. Mund të duhen disa vite për t’u vendosur rregulli. Përveç kësaj, ciklet e humbura, më të lehta ose më të rënda janë të zakonshme te gratë pranë menopauzës.
Kur duhet të shqetësoheni për një cikël të parregullt?
Një cikël i parregullt mund të jetë treguesi i parë, që ju duhet të bëni një vizitë te mjeku. “Nëse keni cikle vazhdimisht të parregullta, duhet të vlerësoheni për PCOS”, thotë Autry. “PCOS ndikon deri në 10 për qind të grave të moshës riprodhuese”.
Duhet gjithashtu të kontrolloheni për çrregullime të tiroideve dhe sëmundje të tjera që mund të lidhen me ciklet e parregullta.
Një cikël i parregullt gjithashtu mund ta bëjë më të vështirë shtatzëninë, veçanërisht nëse nuk ovulon çdo muaj. Mjeku juaj mund të kryejë teste të ovulimit dhe të orientohet ndaj problemit.
Gratë me cikle të parregullta dhe që janë duke u përpjekur të kenë një fëmijë, mund t’i përshkruhet nga mjeku specialist një bar për të rritur ovulacionin.
Parandalimi dhe trajtimi i periudhës së parregullt
Nëse stresi është një fajtor i mundshëm në ciklin tuaj të parregullt, provoni teknikat e menaxhimit të stresit, të tilla si meditimi, yoga, shëtitja etj. Shmangni ushtrimet e tepërta dhe tregoni kujdes me dietat, pasi kjo mund të ndërhyjë në ciklin tuaj menstrual.
VAZHDO TË LEXOSH MË TEPËR PËR TEMËN
Pezmatimi i vezoreve dhe i mukozës së mitrës!
Endometrioza dhe shenjat e saj!
