Artistë si Inva Mula, Dua Lipa, Ermal Meta Ramë Lahaj, Erza Muqolli, Genc Tukiçi, Eno Peçi, Olen Çezari dhe Elhaida Dani, do të bashkohen në teatrin “Argentina” në Itali, më 19 nëntor me një koncert i cili i dedikohet Skënderbeut.
Aty ku performojnë artistët shqiptarë premtohet një natë festive e magjishme. Me ta do të jetë edhe ish-kapiteni kuqezi Lorik Cana.
Nën moton “Tok së bashku për Skënderbeun” këta artistë do të performojnë në këtë natë, e cila pritet të jetë një mbrëmje e paharrueshme, jo vetëm për shqiptarët, por edhe për komunitetin italian.
Në këtë manifestim, që bëhet në kuadër të Vitit Mbarëkombëtar të Skënderbeut, me kërkesë të kreut të Misionit Diplomatik të Shqipërisë në Selinë e Shenjtë, Majlinda Dodaj, Papa Françesku do të takojë përfaqësues të popullit shqiptar në Vatikan, të cilët do të shoqërohen nga autoritet e larta të qeverisë shqiptare dhe nga liderët e të gjitha besimeve fetare. Gjithashtu të pranishëm do të jenë edhe artistë shqiptarë me famë botërore.
Pas takimit me Papën do të vazhdojë koncerti madhështor “Të Bashkuar në kujtim të Skënderbeut”.
VAZHDO TË LEXOSH MË TEPËR PËR TEMËN
‘Skënderbeu hero, politikan, mbret dhe simbol i shqiptarve’
Dua Lipa bën simbolin e shqiponjës mes yjeve
