Ashtu si lajmëroi fansat e tij para pak ditësh Lorik Cana, në 5 dhjetor do jetë në kinema filmi me titull emrin e vetë ish-kapitenit të kombëtares ‘Lorik’.
Filmi dokumentar për jetën e futbollistit më të dashur për të gjithë shqiptarët, do të vijë si një histori e treguar nga ai dhe nga njerëzit e tij të afërm. Pritet që ata të zbulojnë sekrete mbi karrierën dhe jetën private të kapitenit Cana.
Nga shokët futbollistë të Canës që do të jenë pjesë e filmit, do të jenë Djibril Cisse, Gheorge Hagi dhe Pape Diouf.
Jo vetëm kaq, në dokumentar do të marrin pjesë dhe familjarët e tij, babai i tij Agim Cana, që dihet që ka ndikuar shumë në rrugën që ndoqi Loriku.
Po ashtu dhe bashkëshortja e Canës, Monica do të rrëfej për Lorikun si bashkëshortë. Ata të dy janë prindër të djalit të tyre të vetëm Boiken.
