Komisioneri i Bashkimit Europian për zhvillimin, Johaness Hahn është prononcuar lidhur me situatën e krijuar në Ballkan kohët e fundit.
Mes vendeve të rajonit, shprehet Hahn në fjalën e tij, përveç konflikteve ka edhe një kompeticion se kush do të progresojë më shpejt drejt BE-së.
“Për një kohë të gjatë një hap para të tjerëve ishte Serbia dhe Mali i Zi, ndërsa tani është Shqipëria dhe Maqedonia.”
Ndër të tjera, në intervistën për median gjermane “Welt” komisioneri për Zgjerim ka folur edhe për Kosovën.
I pyetur se çfarë konfliktesh fondamentale duhet të zgjidheshin në mënyrë që vendet e rajonit të bashkoheshin, Hahn thotë se Serbia dhe Kosova duhet të zgjidhin mosmarrëveshjen e tyre.
“Në përgjithësi, ende duhet të bëhen përparime të konsiderueshme në të drejtat themelore.
E fundit por jo më pak e rëndësishme, vendet e BE-së duhet të binden se pranimi premton më shumë stabilitet, tregje të reja dhe më shumë prosperitet për të gjitha palët.”
