Gara e Çmimit të Madh të Brazilit ka qenë emocionuese dhe spektakolare, por në fund fituesi nuk ka ndryshuar. Lewis Hamilton, në fakt, ka marrë fitoren e radhës në këtë sezon të jashtëzakonshëm për të.
Verstappen nuk ka arritur ta parakalojë, duke e mbyllur garën në vendin e dytë. I treti është pozicionuar Raikkonen, me Ricciardo-n që ka zënë vendin e katërt. Momentet më të bukura të garës kanë qenë parakalimi i Ricciardo ndaj Vettel, i gjashti, dhe kontakti mes Ocon dhe Verstappen, me pilotin e Red Bull që ka humbur kreun.
Fitorja e Hamilton ka qenë një dhuratë, duke parë se Verstappen ka dalë jashtë piste pas kontaktit me Ocon (10 sekonda penalizim për të), kur kryesonte bindshëm. “Ai është një idiot m…!” Këta janë fjalët e Max Verstappen për Estaban Ocon në përfundim të Çmimit të Madh të Brazilit.
Teksa piloti i Redbull po shkonte i qetë drejt vijës së finishit, u nxorr nga pista nga njëvendëshja Force India e drejtuar nga francezi. Pak minuta pas përfundimit të garës, Verstappen, i tërbuar për faktin se Ocon i mohoi fitoren, e sulmoi madje edhe fizikisht francezin, duke e shtyrë disa herë.
Të dy pilotët janë thirrur nga komisarët e garës për të dhënë shpjegime rreth ngjarjes. Verstappen është dënuan dy ditë “shërbim në komunitet” pranë FIA-s, masë që duhet të shlyhet brenda gjashtë muajve nga dita e incidentit.
