Menu

Migrena

Kush preken më shumë, femrat apo meshkujt?

08.11.2018

Migrena karakterizohet me kriza dhimbjesh të forta të kokës, zakonisht në gjysmën e saj dhe në pjesë të veçanta, me çrregullime të tretjes sidomos me të vjella, me turbullime të pamjes dhe keqësim të gjendjes së përgjithshme.

Shkarkoni Aplikacionin e Konica.al

Sëmundja prek më shume femrat dhe sidomos moshën e re ( më pak se 30 vjeç).

Kriza fillon përnjëherësh me dhimbje të forta koke, zakonisht në gjysmën e saj. Të sëmurët thonë për dhimbjen: sikur u bie njeri me çekiç ose sikur diçka hidhet brenda në kokë.

Dhimbja bëhet më e fortë kur lëviz kokën, kur preket lëkura, kur ka dritë, kur bën sforcime fizike. Ajo shoqërohet me të vjella që shpesh kanë përmbajtje vreri, pas të cilave i sëmuri qetësohet disi.

Zakonisht para se të shfaqet kriza e cila zgjat nga disa minuta deri në disa ditë (zakonisht 24h), të sëmurët kanë këto shenja paralajmëruese:

Mërzitje;

Mungesë dëshire për gjithçka;

Marrje mendsh;

Pagjumësi;

Miza miza para syve;

Nuk durojnë zhurma;

Të përziera ose të vjella.

Çdo i sëmurë ka shenjat e tij paralajmëruese. Pasi mbaron kriza i sëmuri ndjen dobësi të përgjithshme, është i përgjumur, nuk ka dëshirë për punë. Gjatë krizës i sëmuri duhet të qendrojë i shtrirë në qetësi të plotë në dhomë, pa dritë, pa zhurmë dhe pa e shqetësuar të tjerët.

Krizat e lehta dhe të mesme mund të qetësohen mirë vetëm në qetësi shpirtërore duke e mbajtur afër me fjalë të mira dhe shëtitje jashtë në ajër të pastër.

Migrena te femrat përmirësohet më shpejt me kalimin e periodave dhe në fazën e menopauzës ajo lehtësohet më shumë, kurse te meshkujt kjo sëmundje mbetet e përjetshme.

Disa mjekime popullore:

Merrni 1 lugë gjelle me fara të thara ftoi. I copëtoni dhe i zieni në 2 gota ujë për 20-25 min. kullohet në një filxhan kafeje. Ky ilaç i jepet të sëmurit për ta pirë në raste krize të migrenës.

Nëse personi që lëndohet nga migrena, kupton që do të pësojë krizë, menjëherë duhet të hajë 1 mollë. Në këtë mënyrë do të pengohet sulmi i migrenës, pra do të zbuten dhimbjet.