Olsi Klosi ka qenë një nga banorët më të diskutuar në “Big Brother 9”, sidomos për lidhjen e tij me Fiorentinën.
Por tashmë kur kanë kaluar kohë nga reality show, për Olsin jeta ka marrë tjetër rrjedhë. Fiorentina tashmë i përket të shkuarës, ndërsa ai së fundmi ka shpallur edhe fejesën me një tjetër vajzë.
Ish-banori i “Big Brother” ka publikuar vetë lajmin e fejesës së tij. Ai ka postuar në rrjetet sociale një foto ku mban dorën e vajzës që i ka vjedhur zemrën. Në gishtin e saj vihet re që shndrin unaza me gurë në formën e një pike loti. Një model i tillë unaze është kthyer në një trend kohët e fundit dhe është përdorur nga shumë personazhe të njohur, për rastin e fejesës.
“Ajo,”- shkruan Olsi krahas fotos. Ai ka preferuar ta mbajë sekret identitetin e të fejuarës së tij për momentin. Prej kohësh ish banori ishte përfolur për një marrëdhënie me një vajzë brune, por nuk kishte bërë asgjë publike deri tani.
