MENU
klinika

Bashkia e Kukësit

Programe të posaçme sociale për të miturit me probleme ligjore

10.11.2018 - 16:29

Bashkia e Kukësit, me marrëveshjen e nënshkruar dje me Ministrinë e Drejtësisë, tashmë do të jetë qyteti i katërt që do t’i mbajë të miturit larg nga burgu.

Marrëveshja do të shërbejë për integrimin dhe socializimin e të miturve me probleme të lehta me ligjin, në angazhimin e tyre në programe të posaçme socializuese në qëndrat sociale të Bashkisë së Kukësit.

Me nënshkrimin e kësaj marrëveshje nga Zv.ministri i Drejtësisë Toni Gogu dhe zv.kryetari i Bashkisë Dylaman Nela, Kukësi bëhet qyteti i katërt pas Tiranës, Korçës e Durrësit që vendos të zbatojë në praktikë Kodin e Drejtësisë Penale për të Miturit.

Zv.ministri i Drejtësisë Toni Gogu gjatë fjalës së tij u shpreh se këta të mitur nuk kanë pse vuajnë për gjithë jetën një veprim të gabuar në një moment të caktuar dhe në një moshë relativisht të papjekur, por ju ofrohet mundësia që të korrigjohen dhe të përmirësojnë sjelljen, nëpërmjet zbatimit të masave alternative të shmangies nga ndjekja penale.

Kodi Penal për të miturit ka ndërtuar një sistem të tërë, përmes dispozitave të së cilit fëmijët nuk kanë nevojë që të shkojnë pas hekurave të burgut për të vuajtur dënimin që ata kanë marrë, por në shoqëri së bashku, mundet që të restaurohen dhe mundet që të kthehen e të vazhdojnë jetën e tyre. Të rinjtë tanë duhet të vazhdojnë shkollën, duhet të vazhdojnë edhe të luajnë dhe të jenë pjestarë të denjë të familjeve të tyre, pavarësisht asaj që kanë bërë. Interesi i tyre më i lartë është edhe deviza e kësaj reforme”,- u shpreh Gogu.

Zgjedhja e Bashkisë së Kukësit, pas tre bashkive të mëdha tregon vëmendjen e Qeverisë, tha zoti Gogu dhe është një sinjal për të treguar se përballë kësaj beteje shoqërore për të ardhmen e brezit të ri, kuksianët por edhe shqiptarët s’kanë luksin të ndahen në të majtë e të djathtë.

Jemi këtu për të treguar se reformat nuk kanë ngjyrë dhe krahë. Kjo është një betejë shoqërore dhe ne betejat shoqërore nuk e kemi luksin që të ndahemi në të majtë dhe të djathtë. Në reformimin shoqëror të vendit tonë ne duhet të jemi të gjithë sëbashku, sidomos kur bëhet fjalë për të ardhmen e fëmijëve tanë”, apeloi ai.

Kukësi u bë qyteti i katërt ku zbatohet kjo praktikë edhe pse Gjykata dhe prokuroria e Kukësit nuk kanë seksione të miturish. Bazuar në legjislacionin e ri që normalizon organizimin gjyqësor edhe në gjykata apo prokurori që nuk ka seksione, caktohen gjyqtarë dhe prokurorë të specializuar për të miturit.

Për këtë arsye, zv.ministri Toni Gogu në këtë takim, e vuri theksin në përfshirjen e gjyqtarëve dhe prokurorëve në trajnimet për drejtësinë për të miturit që e organizon Shkolla e Magjistraturës.

GJKKO e dënoi me 1.6 vite burg për dëmin 234 milionë lekë

Lirohet nga qelia ish-kryebashkiaku i PS

Fermeri nga Shkodra: S'ka nevojë që të dal në treg!

“Kam shitur 24 ton qepë vetëm përmes Facebook”

EMRAT/ Arrestohet 38-vjeçari, në kërkim bashkëpunëtori

Zbulohen sera me kanabis në Velipojë, mbi 37 mijë fidanë

Shumëllojshmëri të jashtëzakonshme peizazhesh

“Viajeros”: 14 vendet e mahnitshme në Shqipëri

Aktiviteti i djalit të 62-vjeçares! Dëshmia e tij

Tritoli në Shkodër ishte paralajmërim! Pista e hetimit