Pothuajse gjithkush zhvillon presbiopinë, e cila zakonisht fillon pas moshës 40 vjeçare.
Presbiopia është një çrregullim i zakonshëm i lidhur me moshën që e bën të vështirë për njerëzit të shohin ose të përqendrohen në objekte afër.
Shkaqet e presbiopisë
Presbiopia rrjedh nga një problem që mund të keni me lenten e syrit, e cila qëndron prapa irisit (pjesës me ngjyrë).
Retina e kthen dritën në sinjale elektrike që dërgohen në tru, të cilat pastaj sinjalet interpretohen si imazhe.
Kur një person është më i ri, lentia është e butë dhe fleksibël. Muskujt e vegjël në sy mund të ndryshojnë lehtësisht formën dhe si rezultat, fokusin e lentes.
Por me moshën, elasticiteti i lentes dhe i fibrave të muskujve rreth tij fillon të zvogëlohet, duke rezultuar në humbjen e fokusimit të objekteve për afër.
Në vend të fokusimit të dritës në retinë, lentja fokuson dritën prapa retinës, duke ndikuar në aftësinë tuaj për të parë objekte të afërta.
Prevalenca e presbiopisë
Pothuajse të gjithë zhvillojnë presbiopinë, e cila zakonisht fillon pas moshës 40 vjeçare, sipas Akademisë Amerikane të Oftalmologjisë.
Në vitin 2005, afërsisht 1.04 miliardë njerëz në botë kishin presbiopi, sipas një raporti të dhjetorit 2008 në revistën JAMA Ophthalmology. Ky numër pritet të rritet në 1.37 miliardë deri në vitin 2020.
Njerëzit mbi moshën 35 vjeç janë në rrezik për presbiopinë, vëren Instituti Kombëtar i Syrit.
Faktorët e veçantë të rrezikut për humbjen e hershme të fokusimit janë:
• Sëmundjet si diabeti, skleroza e shumëfishtë dhe sëmundjet kardiovaskulare;
• Medikamente të tilla si antidepresantë, antihistaminë dhe diuretikë.
Trauma e syrit
Njerëzit që përdorin vizionin e tyre të afërt gjerësisht si pjesë e punës së tyre zakonisht vërejnë simptoma të presbiopisë.
Simptomat presbiopisë
Nevoja për të mbajtur materiale leximi, si gazeta dhe libra, në gjatësinë e krahut për t’u përqendruar, fillojnë e shfaqen shenjat e para të presbit.
Simptomat e tjera janë:
• Vështirësi në lexim;
• Dhimbje koke;
• Tendosje e syve;
• Ndjeni lodhje të syve duke punuar;
• Kërkoni më shumë dritë për të parë objekte nga afër.
Simptomat e presbiopisë janë të ngjashme me ato të largpamësisë (hyperopia), por largpamësia shkaktohet nga një sy relativisht i shkurtër ose nga kornea që është shumë e sheshtë.
Diagnoza dhe trajtimi
Presbiopia është diagnostikuar gjatë testeve rutinë të syrit që testojnë aftësinë tuaj për të parë objekte nga afër dhe nga larg. Nuk ka shërim për presbiopinë. Trajtimi për gjendjen përbëhet nga vënia e syzeve ose lenteve të kontaktit.
Disa lloje të syze janë enkas për presbiopinë, si:
Syzet e leximit, të cilat përdoren vetëm kur lexoni ose kryeni një veprim pranë objekti:
- Lente kontakti të dyfishtë janë gjithashtu në dispozicion, siç janë lentet e kontaktit “monovision”.
- Me lente kontakti monovision, një lente korrigjon për vizionin e largët (zakonisht në syrin tuaj dominuese), ndërsa lentia tjetër korrigjon për vizionin e afërt.
Procedurat kirurgjike janë për njerëzit që nuk duan të vendosin syze ose lentet e kontaktit. Një operacion, i quajtur keratoplasty përçues, përdor valët e radios, duke ndryshuar thyerjen e dritës në sy.
Nga ana tjetër, kirurgjia LASIK (me lazer) mund të përdoret për të krijuar monovision në vend të lenteve të kontaktit. Procedurat që zëvendësojnë lentet tuaja natyrale, me lente artificiale (intraokulare) ekzistojnë gjithashtu.
VAZHDO TË LEXOSH MË TEPËR PËR TEMËN
Foshnja ime i ka sytë e vengër, duhet të shqetësohem?
