MENU
klinika

Detajet

‘Unaza e Re’/ Banorët përplasen me policinë bashkiake, reagon Veliaj

26.11.2018 - 13:40

Banorët e zonës së Astirit të cilët preken nga projekti i Unazës së Re janë konfrontuar me policinë bashkiake dhe punonjësit e bashkisë të cilët po zhvendosin shtyllat e ndriçimit.

Banorët kundërshtojnë heqjen e ndriçimit dhe nuk lejojnë punonjësit të veprojnë, pasi sipas tyre ndriçimi është vendosur me taksat e tyre.


“Këto drita janë vënë me taksat tona. Dritat nuk do hiqen se ata duan errësirë totale. Erion Veliaj dhe Edi Rama ta harrojnë se do heqin dritat tek Unaza e Re”- thotë një banore.

Aktualisht punonjësit po qëndrojnë në pritje për të marrë një urdhër nëse duhet të vazhdojnë punën apo do tërhiqen.

Kujtojmë se në orën 17:00 të pasdites së sotme është paralajmëruar një tjetër protestë nga banorët e zonës së Astirit. Nga projekti i Unazës së Madhe preken rreth 317 objekte, shumica prej të cilave do shemben pasi pretendohet se janë pa leje, ndërsa për ata që disponojnë dokumente është premtuar dëmshpërblim.

kolana e librave

Për këtë temë ka reaguar edhe kryetari i bashkisë Erion Veliaj. 

Ai ka përshëndetur punën e Inspektoriatit Kombëtar të Territorit për vijimin e lirimit hapësirë për ndërtimin e Unazës së Madhe në zonën e Shkozës. Veliaj ka postuar një video të shkurtër nga momenti i punës për prishjen e ndërtimeve pa leje në gjurmën e Unazës, ndërsa ka theksuar se puna për zhvillimin e qytetit nuk do të ndalet.

“Ndërkohë vazhdon nonstop puna tek Unaza e Madhe në zonën e Shkozës. ‪Progresi nuk bllokohet, tafmaja 5 katëshe pa leje mbi Lanë e 1 njeriu nuk pengon dot nevojën e 1 milionë banorëve të rregullt të Tiranës”, shkruan Veliaj.

Ai gjithashtu bën të ditur edhe një herë se projekti i Unazës së madhe do i jap zgjidhje trafikut, ndërsa për të gjithë ata që preken nga zhvillimi i tij dhe që i kanë ndërtimet me leje do të ketë shpronësim total, ndërsa për të tjerët trajtim nga programet sociale të Bashkisë Tiranës, përfshi edhe banesa sociale.