Uthulla krijohet kur bakteret ushqehen me sheqerin dhe alkoolin, në lëngjet e frutave, verë, mjaltë dhe lëngje të ngjashme.
Si rezultat do te kemi prodhimin e një solucioni acidi acetik dhe që mund të përmbajë edhe lëndë ushqyese të tjera. Ndërsa uthulla e mollës prodhohet me lëng të bërë nga mollët.
Nuk duket të ketë ndonjë gjë të veçantë për përfitimet e saj shëndetësore, krahasuar me llojet e tjera të uthullës. Ndoshta aroma dhe era e butë kanë ndihmuar në rritjen e reputacionit të saj. Nëse doni të dini a është mit apo e vërtetë lexoni më tej…
Në disa studime është parë që uthulla e mollës nëse merret e holluar me ujë ka si veti që të ndihmojë në uljen e peshës te personat mbipeshë. Dhe ata humbasin dhjamin që kanë në zonën e barkut.
Uthulla e mollës mund të ndihmojë dikë me diabet të kontrollojë sasinë e glukozës në gjak pas një vakti. Nëse merrni dy lugë çaji dhe e pini me ujë ose e merrini në kohën e ushqimit, ka efekt shumë të mirë.
Sheqeri i lartë i gjakut me kalimin e kohës mund të çojë në sëmundje të zemrës, sëmundje të veshkave, goditje dhe verbëri. Uthulla mund t’ju ndihmojë gjithashtu për të mbajtur nivelin më të ulët të insulinës pasi ushqimit.
Qelizat tuaja kanë nevojë për këtë hormon, për të marrë glukozën nga gjaku dhe për t’u përdorur për energji. Por shumë insulinë e lëshuar, më shpesh mund ta bëjë trupin tuaj më pak të ndjeshëm ndaj tij – një gjendje e quajtur rezistencë e insulinës që mund të çojë në diabetin e tipit 2 ose ta bëjë atë më keq.
Luftimi i mikrobeve
Çdo uthull, mund do të vrasë disa mikrobe për shkak të acidit acetik që ka. Ajo punon më mirë në ushqimin tuaj. Pastron bakteret që mund të gjenden në gjethet e sallatës suaj. Nuk është mirë të dezinfektohet një prerje apo plagë. Dhe për shkak se është acid, ekziston mundësia që të djegë kimikisht lëkurën delikate.
Ka qenë prej kohësh e sugjeruar, për arsye të ndryshme, si një shpëlarje për të zbutur lëkurën e kokës. Por nuk ka dëshmi për të konfirmuar se uthulla vret bakteret ose kërpudhat e zbokthit.
Një përfitim tjetër i uthullës ka qenë sepse ajo është një mënyrë e mirë për të hequr nga koka parazitët dhe vezët e tyre. Uthulla mund të ndriçojë dhëmbët tuaj, por kujdes sepse gjithashtu heq smaltin e tyre, shtresën e hollë mbrojtëse. Ju duhet të prisni të paktën 30 minuta pasi hani ose pini që të shpëlani gojën me uthull të holluar.
Ky lëng i zymtë, pjesa më e trashë, që mblidhet në fund të disa uthullave, të quajtur “nëna”, përbëhet nga bakteret fermentuese dhe mbetjet e tyre të padëmshme. Disa thonë se kjo i jep uthullës më shumë përfitime shëndetësore, sepse bakteret e gjalla veprojnë si “probiotikë”, por ende nuk ka prova shkencore.
Polifenolet janë komponime kimike në fruta, perime, verë, kafe dhe çokollatë. Ata janë antioksidantë, të cilët mbrojnë qelizat tuaja nga dëmtimet e lidhura me kancerin dhe sëmundjet e tjera.
Nuk ka arsye për të menduar se polifenolet në uthullën e mollës nuk mund të jenë po aq të dobishme, por është më e nevojshme për më shumë studime.
Është parë se uthulla e mollës ndihmon dhe në pakësimin e oreksit. Kur uthulla shërbehet me bukë të bardhë për mëngjes, njerëzit shprehen se janë më të kënaqur dhe të ngopur.
Zakonisht merret 1-2 lugë në ditë, uthull molle e holluar me ujë. Ju duhet të konsultoheni me mjekun ose farmacistin tuaj para se të filloni të merrni uthullën e mollës që të përfitoni prej saj një shëndet më të mirë.
