Çdo lexues kokëfortë që respekton veten ka disa “zakone” të çuditshme, që nxjerrin në pah dashurinë për librin. Ja disa prej tyre…
Çdo lexues i vetëdijshëm i dashuron librat në mënyra nga më të ndryshmet. Dikush është jashtëzakonisht i rregullt në sistemimin e librave nëpër rafte, dikush tjetër e ka bezdi të përthyej faqen e librit. Sidoqoftë, mbeten disa vese të çuditshme që bashkojnë gjithë dashuruesit e çfarëdolloj libri. Me “zakon” nënkuptojmë një seri veprimesh, që bëhen vetvetiu si për shembull…
Nuhasin librat
Çdo dashamirës i librit është i ndërgjegjshëm, se është era karakteristike që i çon drejt nuhatjes së vazhdueshme. Qoftë letra, boja apo ëndrra e autorit, librat (sidomos ata të vjetrit) kundërmojnë rehati, dituri, kolltukë çlodhës dhe bubullimë oxhaku.
Shpenzojnë shumë para për libra
Të paktë janë ata adhurues librash, që futen në librari dhe arrijnë ta kontrollojnë veten të mos blejnë më shumë se një. Është e qartë se blerja e librave nuk është gjë e keqe, por jepini mundësi portofolit të marrë frymë, duke ju kujtuar se ekzistojnë biblioteka publike që ende shpërndajnë libra falas.
Freskojnë vazhdimisht listën e librave për të blerë
Raftet i kanë plot me libra të blerë kohët e fundit, ndërsa mbi komedinë librat që po përpijnë. Megjithatë, nuk rrinë dot pa e freskuar vazhdimisht listën e librave që duan t’i blejnë me doemos.
Shfrytëzojnë edhe vendet më të çuditshme për të lexuar
Nëse nuk shkëputeni dot nga libri, e kuptoni shumë mirë se çdo vend apo moment është ideal për të lexuar. Nga trenat në autobusë, deri tek të lexuarit duke ecur në rrugë. Por sapo futen në shtëpi, nuk humbasin rastin për të krijuar një ambient super shtendosësh për t’u lëshuar në lexim, si për shembull mbushja e vaskës me ujë të nxehtë qarkuar me qirinj aromatikë.
Krahasojnë librin me seri televizive
Jo rrallëherë ju ndodh që diskutoni me miqtë për seritë tuaja televizive të preferuara, kur nuk humbisni rastin të mbështesni versionin e historisë së shtypur, për vetë faktin se librat nuk mund ta zëvendësojnë filmin. Mjafton të mendoni për rastin e “Games of Thrones”.
Vlerësojnë bibliotekën e të tjerëve
Dashuruesit e librit e dinë se libri nuk gjykohet nga kopertina, prapëseprapë nuk u shpëton rasti për t’i gjykuar njerëzit nga bibliotekat që kanë.
Gjejnë justifikime për të qëndruar në shtëpi për të lexuar
Ju pëlqen të dilni dhe të kaloni kohë me miqtë, por në të njëjtën kohë preferoni të qëndroni në shtëpi dhe të lexoni një libër. Kështu, shpeshherë shtireni sikur keni plane të tjera ose ju kanë dalë të papritura, thjesht për të shmangur takimin.
Fusni në valixhe librat për një udhëtim
Ndodh, qoftë edhe për një fundjavë, që ju duhet të largoheni dhe pikërisht atje nuk ju mungon dëshira për të lexuar. Për të qenë të sigurt, merrni me vete më shumë se një libër. Por, përveç kohës në dispozicion gjatë udhëtimit, a jeni i sigurt se keni kohë për të lexuar? Nga ana tjetër, udhëtimi planifikohet që të mos qëndroni në shtëpi.
Filloni të lexoni një libër, ndërsa jeni duke lexuar tashmë një tjetër
Kush thotë se duhet lexuar vetëm një libër në kohë? Natyrisht, rrezikon të pleksni çështjet e subjekteve të tregimeve të ndryshme, kështu që do ju duhet më shumë kohë për t’i përfunduar të dy librat. Pavarësisht kësaj, nuk ka asnjë arsye për të mos lexuar dy ose më shumë libra njëkohësisht.
Shfrytëzoni gjithçka si ndarës faqeje
Kuitanca dhe reklama bankare mund të jenë faqeshënuesit tuaj. Sigurisht, edhe libralexuesit më të mëdhenj në botë me raste përdorin kartën e tyre të kreditit ose kartën e vizitës në një fragment libri. Adhuruesit e librit mund të kenë gjithashtu zakonin e thjeshtë për ta kujtuar vetvetiu numrin e faqes.
Lexojnë gjithë natën për të përfunduar librin
Çdo dashamirës libri e di se ç’do të thotë të shtrihesh në shtrat me vështrimin mbi libër, duke vijuar leximin deri në tre të mëngjesit, nuk vënë gjumë në sy vetëm për të zbuluar përfundimin e librit.
(Marrë nga lilbreriamo.it)
