Ditën e sotme në Bularat të Gjirokastrës, u zhvillua ceremonia përkujtimore për Konstandinos Kacifas e cila ka zgjatur rreth 90 minuta.
Pas meshës në kishën e Bularatit dhe vizitës në varreza, rrethi i ngushtë familjar ka vijuar me drekën, ndërsa nuk ka pasur manifestime ashtu si në ceremoninë mortore.
Por ndërkohë, duke u referuar burimeve nga Policia, ka pasur kthime masive të shtetasve grekë që kanë dashur të hyjnë në territorin shqiptar për të marrë pjesë në ceremoninë e 40-ave të Kacifas.
Rreth 300 persona, shtetas grekë janë kthyer nga policia shqiptare në Pikën Kufitare të Kakavijës sipas të dhënave aktuale.
Ceremonia përkujtimore për Konstandinos Kacifas, u mbyll rreth orës 11.00, ku më vonë familja është mbledhur për drekën, ndërsa nuk ka patur manifestime, duke qenë se ka një numër jo të madh të shtetasve grekë të ardhur në Bularat.
Autobusat grekë mbërritën në Bularat rreth orës 10.20. Ndërkohë dy autobusë në Kakavijë janë ndaluar dhe janë bërë kontroll të imtësishëm trupor dhe nuk lejohen të dalin, i mbajnë në mbikëqyrje në një godinë. Edhe një prifti me 4 psalt janë kontrolluar imtësisht. Atyre iu është ushtruar kontroll trupor çka sipas tyre bie ndesh me fenë e tyre.
Ka pasur persona të tjerë që janë konsideruar të rrezikshëm nga policia e Kakavijës që janë marrë për verifikim nga Kakavija në Komisariat për të kontrolluar dokumentet. Dje ka pasur persona nga Greqia që kanë shkuar në Bularat e me sa duket nuk do të ketë të tjerë.
Forca policie qëndrojnë përgjatë gjithë rrugës Gjirokastër-Kakavijë duke ushtruar kontrolle të rrepta.
Dy tubime do të mbahen sot në rrethin e Gjirokastrës. I pari në Bularat për nder të Konstandinos Kacifas, i cili bën ceremoninë e 40-ave dhe i dyti në qytetin e Gjirokastrës.
Fillimisht në Bularat do të ketë një meshë për Kacifas sipas traditës ortodokse dhe më pas nderime tek varrezat. Nuk dihet nëse do ketë një tubim të ngjashëm antishqiptar si ai i ceremonisë së varrimit të Kacifas.
Policia e Gjirokastrës ka dhënë leje vetëm për zhvillim të një tubimi paqësor të “një grupi patriotësh”.
Organizatorët e këtij tubimi kanë kërkuar leje për zhvendosjen nga qendra muzeale e qytetit deri në hyrje të tij, në rrugën nacionale te “Ura e lumit”.
Nga ana tjetër polica e Gjirokastrës ka dhënë leje për organizimin e tubimit vetëm në “sheshin e Çerçizit” prej orës 11:00 deri në orën 13:00.
Kujtojmë se prej gati një muaji, mediat greke online kanë shpërndarë njoftimet mbi organizimin e udhëtimit të atyre që duan të jenë pjesë e kësaj ceremonie. Kacifas, u vra pas disa orëve që qëllonte me armë në drejtim të forcave të policisë shqiptare më 28 tetor.
Nga ana tjetër Policia a marrë masa për të shmangur incidentet, duke qenë se sot do të zhvillohet edhe tubimi i “patriotëve shqiptarë” për bashkëkombësit që janë vrarë në javët e fundit në Greqi.
VAZHDO TË LEXOSH MË TEPËR PËR TEMËN
Çfarë do ndodhë sot në Bularat?
