Spondiliti ankilozues (AS) është sëmundje inflamatore kronike, që prek artikulacionet ndërmjet vertebrave të shpinës dhe artikulacionet ndërmjet shpinës dhe pelvikut.
Shoqërohet me dhimbje në pjesën e poshtme të shpinës dhe ngurtësim të lëvizjeve të saj, dhimbje qafe, ënjtje të artikulacioneve të shpatullës, gjunjëve, lodhje, ethe, humbje peshe, inflamacion të syve.
AS është më e zakonshme dhe më e rëndë te meshkujt. Shkaku është i panjohur, por ka të ngjarë që të dy gjenet dhe faktorët në mjedis luajnë një rol të madh.
Simptomat e hershme të AS përfshijnë dhimbje shpine dhe ngurtësi në lëvizje. Këto probleme shpesh fillojnë në adoleshencë të vonë ose në moshë madhore. Me kalimin e kohës, AS mund të bashkojë rruazat e shtyllës kurrizore, duke kufizuar lëvizjen. Disa njerëz kanë simptoma që vijnë dhe shkojnë e ndërsa të tjerë kanë dhimbje të rënda e të vazhdueshme.
Një diagnozë e AS bazohet në historinë tuaj mjekësore dhe në ekzaminimin fizik.
AS nuk ka shërim, por ilaçet mund të lehtësojnë simptomat dhe mund ta mbajnë sëmundjen nën kontroll. Ushqimi i shëndetshëm, ndalimi i duhanit dhe ushtrimet fizike të përshtatshme mund të ndihmojnë në përmirësimin dhe lehtësimin e simptomave. Në raste të rralla, mund të keni nevojë për kirurgji.
Diagnoza e Spondilitit Ankilozë dhe testet
Një reumatolog do të diagnostikojë spondilitin ankilozues (AS). Një test i plotë fizik, gjithashtu duke përfshirë rrezet X, historinë individuale mjekësore dhe një histori familjare e AS, janë të dhëna në marrjen e një diagnoze.
Testi HLA-B27
HLA-B27 është një proteinë specifike (e quajtur antigjen i leukociteve humane ose HLA) që gjendet në sipërfaqet e qelizës. Termi HLA-B27 përdoret gjithashtu për t’iu referuar gjenit që kodon proteinat HLA-B27. Testi HLA-B27 përcakton praninë ose mungesën e proteinës në sipërfaqen e qelizave të bardha të gjakut të një personi.
Antigjenet e leukociteve njerëzore janë proteina që ndihmojnë sistemin imunitar të trupit për të identifikuar dhe për të dalluar qelizat e veta.
Trajtimet dhe terapitë
1. Trajtime alternative për spondilitin ankilozues
Për trajtimin e AS mund të përdorim disa metoda natyrore që mund të ndihmojnë në lehtësimin e simptomave si p.sh:
* ushtrimet fizike;
* masazh;
* moskonsumimi i duhanit dhe alkoolit do t’ju ndihmojë në përmirësimin e gjendjes.
2. Modifikimi me barna antireumatike
Barnat antireumatike veprojnë në sistemin imunitar dhe / ose inflamator të trupit. Ato japin efektin e tyre pas disa javëve ose muajve dhe nuk janë formuluar për të dhënë lehtësim të menjëhershëm të simptomave.
Barna të tjera, që qetësojnë dhimbjet janë barnat anti-inflamator josteroidale (p.sh., ibuprofeni ose naproxeni) dhe ndonjëherë prednisone, të cilët janë përshkruar nga mjekët për të siguruar lehtësim të shpejtë të simptomave të vazhdueshme.
Barnat antireumatike shpesh përdoren në kombinim me këto ilaçe për të zvogëluar sasinë totale të ilaçeve të nevojshme dhe për të parandaluar dëmtimin e nyjeve.
3. Barna josteroide anti-inflamatore (NSAID-s)
NSAIDs (barna anti-inflamatore josteroidale) janë disa nga barnat më të zakonshëm që përdoren nga të rriturit.
Ato janë gjithashtu një trajtim i zakonshëm për problemet shëndetësore kronike (afatgjata), të tilla, si: artriti (artrit reumatoid, osteoartriti etj) dhe lupusi. NSAID-i bllokojnë proteinat, të quajtura enzimë, që ndihmojnë në krijimin e prostaglandineve. Prostaglandinat janë një grup i acideve yndyrore që shfaqen natyrshëm dhe që luajnë një rol në dhimbje dhe inflamacion.
NSAIDs gjithashtu mund të zvogëlojnë inflamacionin, si: ethe, ënjtje, dhe skuqje.
NSAID-et tradicionale përfshijnë: Aspirinat, Ibuprofen, Naproxen dhe shumë barna të tjerë gjenerikë.
Celekoksibi është bar që i përket një klase më të re të NSAID-it, që mjekët e quajnë “inhibitor COX-2” dhe është formulim farmaceutik që mos të ketë efekte anësore në stomak.
