Zhurmat jonormale të zemrës tek të rriturit lidhen me valvulat e dëmtuara të saj. Disa murmuritje të zemrës nuk konsiderohen të jenë problem dhe mund të quhen “murmuritje të pafajshme”.
Zhurmat e parregullta të zemrës tek të rriturit mund të lidhen me:
• Kalcifikimin e valvulave;
• Endokardit (njl infeksion ose inflamacion i valvulave të zemrës);
• Ethet reumatike (PDF).
Te fëmijët, zhurmat anormale të zemrës mund të shkaktohen nga:
• Anomalitë e valvulave kongjenitale të zemrës;
• Vrimat në septumin e zemrës;
• Murmuritjet e zemrës që lidhen me problemet e valvulave duhet të trajtohen me shumë kujdes.
Jo çdo zhurmë është e lidhur me sëmundjen e valvulave. Ato mund të shkaktohen edhe nga kushtet që mund të rrisin rrjedhjen e gjakut përkohësisht siç janë:
• Ushtrimet e sforcuara;
• Barrë;
• Ethe;
• Hipertiroidizëm;
• Anemi.
Diagnostikimi: Llojet e zhurmës në zemër
Mjeku do të hetojë shkakun rrënjësor të zhurmës së zemrës. Shkaqet mund të hulumtohen në bazë të zhurmave me zë të lartë, të klasifikuara nga 1 deri në 6. Një notë 1 nga 6 (1/6) është shumë e zbehur, dëgjohet vetëm me një përpjekje të veçantë. Një notë 6 nga 6 (6/6) është shumë e lartë dhe mund të dëgjohet me stetoskop edhe kur hiqet pak nga gjoksi.
Mjeku do të kontrollojë se ku është zhurma në zemër, kohëzgjatjen dhe kur zhurma dëgjohet gjatë rrahjes së zemrës. Zhurmat e shkurtra dhe të qeta mund të kenë më shumë gjasa të jenë të “pafajshme” (që do të thotë se janë të padëmshme dhe nuk nevojiten trajtime).
Teste të tjera që doktori mund të përdorë për të vendosur nëse zhurma është anormale përfshijnë:
• Rreze X të gjoksit;
• Elektrokardiogram (EKG);
• Ekokardiogram;
• Kateterizimi i zemrës.
Ashtu si me shumicën e problematikave të tjera shëndetësore, zhurmat e zemrës dhe çdo problem themelor mund të ndryshojë dhe të çojë në ashpërsi dhe rrezik.
Çdo herë që një murmuritje dyshohet të jetë e lidhur me një problem valvulash që mund të ketë nevojë për trajtim ose riparim, është e këshillueshme të konsultoheni me një mjek të kualifikuar dhe me përvojë në diagnostikimin dhe trajtimin e gjendjes së zemrës.
Një specialist i cili rregullisht merret me sëmundjen e valvulave mund t’ju japë vlerësimin më të mirë dhe të bashkëpunojë me specialist te tjerë të kujdesit shëndetësor për të krijuar një ekip më të specializuar.
