04.12.2018 - 10:04
Një ngjarje e paprecedentë ka ndodhur në Komisariatin e Durrësit, ku raportohet se janë vjedhur 2 milionë lekë të reja.
Ngjarja ka ndodhur në datën 1 dhjetor, në zyrat e komisionit të Qarkullimit Rrugor. Raportohet se shuma e vjedhur ishte mbledhur nga arkiva dhe gjobat, ndërsa ruheshin në një kasafortë. Sipas informacioneve kasaforta nuk kishte kod, por ishte e mbyllur me dryn.
Shërbimi për Çështjet e Brendshme dhe Ankesat ka nisur hetimet për faktin se nëse ndnjë punonjës policie është i përfshirë në vjedhje.
