19.12.2018 - 08:53
Një ngjarje tragjike ka ndodhur në qytetin e Elbasanit ku një 36-vjeçar është qëlluar me armë gjahu gjatë mesnatës për vdekje.
Policia bën me dije se viktima është Ardi Bodurri, punonjës shërbimit pyjor në Elbasan. Ngjarja ka ndodhur në fshatin Mjekës.
Nga hetimet paraprake dyshohet se Bodurri është qëlluar aksidentalisht nga shokët e tij teksa kishin dalë për gjah.
I riu ka humbur jetën rrugës për në spital. Ndërkohë janë shoqëruar në komisariat dy personat që ishin me 36-vjeçarin.
