20.12.2018 - 10:12
Reshjet intensive të dëborës kanë prekur edhe qarkun e Dibrës, ku si pasojë pas reshjeve të dendura, janë shfaqur problematika në bllokimin e rrugëve.
Fshati Gryknok është një nga fshatrat e izoluar për shkak të borës, trashësia e të cilës arrin në 50 cm. Banorët ndodhen të bllokuar pasi rrugët janë të pakalueshme dhe kanë bërë apel për ndihmë.
Ata kanë kërkuar ndërhyrjen e autoriteteve pasi nuk kanë as rezerva ushqimore të mjaftueshme, për më tepër që në rast të emergjencave shëndetësore nuk kanë mundësi të lëvizin.
