MC Kresha ishte një nga më të votuarit në finalen e Këngës Magjike një natë më parë, por ditën e sotme reperi ka befasuar me deklaratën e tij, duke thënë se do të heqë dorë nga muzika pasi të bëhet baba.
I ftuar në emisionin “Oxygen”, Mc Kresha tha: “Realisht karriera ime si artist më ka sjellë shumë të mira. Besoj që kapaciteti im i trurit më jep mundësinë të mbetem gjallë edhe pa muzikë. Kaq shumë sa e dua muzikën edhe po mendoj ta lë.”
Ai shtoi se nuk do të ishte prind i denjë nëse do vazhdonte të merrej me hip-hop. “Për muzikën hip-hop duhet të dal unë të këndoj ‘hajde zemër dridhe’ edhe djali im do jetë aty e do dëgjoj. Nëse bëhem me familje, unë nuk mundem të jem prind i duhur për fëmijët e mi. Çdo gjë ka ciklin e vet, publiku më ka rritur se unë kam qenë i mirë,”-, tha reperi.
