Një test i glukozës mat nivelin e glukozës në gjak. Glukoza është një lloj sheqeri.
Është burimi kryesor i energjisë së trupit. Një hormon i quajtur insulinë ndihmon lëvizjen e glukozës nga qarkullimi i gjakut në qelizat. Glukoza e tepërt ose shumë e ulët në gjak mund të jetë një shenjë e një gjendjeje të rëndë mjekësore.
Nivelet e larta të glukozës në gjak (hiperglicemia) mund të jenë një shenjë e diabetit, një çrregullim që mund të shkaktojë sëmundje të zemrës, verbëri, problem në veshka dhe komplikime të tjera.
Nivelet e ulëta të glukozës në gjak (hipoglicemia) gjithashtu mund të çojnë në probleme të mëdha shëndetësore, përfshirë dëmtimin e trurit, nëse nuk trajtohen.
Për çfarë përdoret ky test?
Një test i glukozës në gjak përdoret për të zbuluar nëse nivelet e sheqerit në gjak janë në gamën e shëndetshme ose jo. Shpesh përdoret për të ndihmuar në diagnostikimin dhe monitorimin e diabetit.
Pse kam nevojë për një test të glukozës në gjak?
Mjeku mund të urdhërojë një test të glukozës nëse keni simptoma të niveleve të larta të glukozës (hiperglicemia) ose nivele të ulëta të glukozës (hipoglicemia).
Simptomat e niveleve të larta të glukozës në gjak përfshijnë:
*Etje e tepërt;
*Urinim më të shpeshtë;
*Shikim i turbullt;
*Lodhje;
*Plagët shërohen më ngadalë.
Simptomat e niveleve të ulëta të glukozës në gjak përfshijnë:
*Ankth;
*Djersitje;
*Dridhje;
*Uri.
Gjithashtu mund të keni nevojë për një test të glukozës në gjak nëse keni disa faktorë rreziku për diabetin.
Si për shembull:
*Duke qenë mbipeshë;
*Mungesa e ushtrimit;
*Anëtari i familjes me diabet;
*Presion të lartë të gjakut;
*Sëmundje zemre.
Nëse jeni shtatzënë, do të ishte mirë të bëni një test të glukozës në gjak ndërmjet javës së 24 dhe 28 të shtatzënisë për të kontrolluar diabetin e gestacionit. Diabeti gestacion është një formë e diabetit që ndodh vetëm gjatë shtatzënisë.
A do të duhet të bëj ndonjë gjë për t’u përgatitur për testin?
Ndoshta mjeku do t’ju kërkojë të mos hani ose pini për tetë orë përpara testit.
Nëse jeni shtatzënë dhe jeni duke u kontrolluar për diabetin e gestacionit, do të pini lëng me sheqer një orë para se të marrin gjak, nuk do t’ju duhet të rrini pa u ushqyer në këtë rast.
Bisedoni me mjekun rreth përgatitjeve specifike të nevojshme për testin e glukozës.
A ka rreziqe ky test?
Rreziqet janë shumë të pakta. Mund të keni dhimbje të lehta në vendin ku është vënë gjilpëra, por shumica e simptomave largohen shpejt.
Çfarë tregojnë rezultatet?
Nëse rezultatet tregojnë nivele më të larta se nivelet normale të glukozës, kjo mund të thotë që keni ose jeni në rrezik për të marrë diabetin. Nivelet e larta të glukozës gjithashtu mund të jenë një shenjë e:
*Sëmundjes së veshkave;
*Hipertiroidizëm;
*Pankreas;
*Kanceri i pankreasit.
Nëse rezultatet tregojnë nivele më të ulëta se nivelet normale të glukozës, mund të jetë një shenjë e:
*Hipotiroidizmi;
*Shumë insulinë ose medikamente të tjera të diabetit në gjak;
*Sëmundje e mëlçisë.
Nëse rezultatet e glukozës nuk janë normale, nuk do të thotë që ju keni një gjendje mjekësore që ka nevojë për trajtim. Stresi i lartë dhe ilaçe të caktuara mund të ndikojnë në nivelin e glukozës. Për të mësuar se çfarë tregon rezultati I testit tuaj, bisedoni me mjekun.
Shumë njerëz me diabet duhet të kontrollojnë nivelet e glukozës në gjak çdo ditë. Nëse keni diabet, sigurohuni që të flisni me mjekun për mënyrat më të mira për të menaxhuar sëmundjen tuaj.
