MENU
klinika

Diskutime për Sirinë

Pse Putini nuk pranon të takohet me Erdoganin?

25.12.2018 - 13:28

Presidenti turk, Tayyip Erdogan u tha gazetarëve të martën se ai me siguri do të takohet me presidentin rus Vladimir Putin për të diskutuar tërheqjen e SHBA nga Siria, por Putin duket se nuk e ka në planet e tij takimin.

Ai nuk e bëri të ditur kohën e takimit. Ministri i jashtëm turk Mevlut Çavusoglu do të udhëtojë në Rusi në ditët në vijim për të diskutuar të njëjtën çështje, citon transmetuesi CNN.

Të hënën, zëdhënësi i Erdoganit tha se Turqia do të rriste koordinimin me Rusinë në Siri, pas vendimit të trupave të SHBA-së për t’u tërhequr.

Presidenti turk Rexhep Tajip Erdogan ka thënë se me gjasë do të takohet me homologun e tij rus Vladimir Putin ballë për ballë për të diskutuar tërheqjen e SHBA nga Siria.

Por, presidenti i Rusisë Vladimir Putin nuk ka plane të menjëhershme për t’u takuar me Presidentin turk Tayyip Erdogan, tha të martën zëdhënësi i Kremlinit Dmitri Peskov.

Turqia është e vendosur për të kaluar në lindje të Lumit Eufrat në veri në Sirisë, sa më parë që është e mundur, ka thënë ministri i Jashtëm turk, Mevlut Cavusoglu më 25 dhjetor, një ditë pasi Ankaraja ka dërguar trupa shtesë në kufi me Sirinë.

kolana e librave

“Nëse Turqia ka thënë se do të hyjë në Siri, ashtu do të jetë”, ka thënë Cacvusoglu para gazetarëve. “Ne planifikojmë të hyjmë në zonën e Lumit Eufrat sa më parë që është e mundur”.

Turqia ka thënë më herët gjatë këtij muaji se do të nisë një operacion të ri ushtarak në këtë zonë.

Turqia dhe SHBA gjithashtu kanë rënë dakord të përfundojnë marrëveshjen e tyre në qytetin sirian Manbij deri në kohën kur SHBA përfundon tërheqjen e saj, tha gjithashtu Cavusoglu, sipas agjencisë shtetërore Anadolu.

Sipas udhërrëfyesit të Manbij, Turqia dhe SHBA ranë dakord për një tërheqje të plotë të milicisë kurde të YPG nga qyteti. Ankaraja e konsideron YPG një organizatë terroriste.

Turqia gjithashtu ka premtuar se lufta kundër të ashtuquajturit Shteti Islamik nuk do të ngadalësohet nga tërheqja e SHBA.

Javën e kaluar, presidenti amerikan, Donald Trump ka njoftuar për tërheqje të trupave amerikane nga Siria, prandaj Turqia ka shtyrë fushatën derisa të përfundojë tërheqja e plotë e trupave të Shteteve të Bashkuara.

VAZHDO TË LEXOSH MË TEPËR PËR TEMËN


Fundi i konfliktit shtatëvjeçar?

Erdogan: Do ta pastrojmë Sirinë nga kurdët dhe IS