Në Shqipëri rriten deri në 8 lloje pishash, ndër të cilat më e rëndësishmja konsiderohet pisha e zezë. Kjo e fundit, shkon deri në 50 m lartësi, ndërsa nënllojet e tjera të pishës, nuk i kalojnë të 40 metrat.
Gjendet në të gjithë territorin e vendit tonë, sidomos në Tropojë, Pukë, Mirëditë, Peshkopi, Mat, Tiranë, Kolonjë Llogara, Librazhd, Elbasan, Gramsh etj.
Pisha është një pemë që rri e gjelbëruar gjatë gjithë vitit. Ajo përveçse është një pemë dekorative, përmban me bollëk vitamin C, terpentinë, rrëshirë, katran etj. Farat e pishës ndihmojnë në sistemin e tretjes. Bërthama e tyre ndihmon si laksativ i lehtë, por mund të shkaktojë urthin, nëse përdoret më shumë se çduhet.
Frutat e boçeve të pishës treten me vështirësi, por kanë vlerë të lartë ushqyese. Është i njohur gjithashtu fakti që kjo pemë është tepër e shëndetshme për organizmin e njeriut, pasi shërben për çlirimin e tepërt të oksigjenit dhe pastrimin e ajrit.
Pjalmi i pishës përdoret për të prodhuar një pomadë me të njejtin emër që është shumë i mirë kundër plagëve. Gjithashtu, pjalmi i pishës bashkë me valesën e boçeve veprojnë me efikasitet kundër astmës bronkiale, ato qetësojnë kollën, pastrojnë mushkëritë, rrisin sasinë e spermës dhe pasionin për marrëdhënie seksuale.
Fruti i pishës në fillim është i blertë dhe në formë konike. Ai piqet gjatë një periudhe dyvjeçare.
Ja disa nga vlerat kuruese të pishës:
Kundër rrufës
Merren lastarët e degëve të njoma të pishës, gjatë periudhës shkurt-maj të lulëzimit. Zierja e këtyre lastarëve bëhet me 30 gr të tyre, në një litër ujë. Nga kjo tretësirë, merren 3-4 gota në ditë, kundër rrufës. Gjithashtu, tretësira e mësipërme shërben edhe për kurimin e rrugëve urinare, kollës dhe bronshitit.
Kurimi i puçrrave dhe plagëve
Merret pjalmi i pishës dhe përzihet me vaj ulliri, derisa të krijohet një masë homogjene. Me pomadën e përftuar lyhen puçrrat dhe plagët. Kjo tretësirë, po të shtojmë në të edhe një sasi lëngu të boçeve të sapozierë, shton prodhimin e spermës dhe një dëshirë maksimale për marrëdhënie seksuale, sidomos tek meshkujt.
Kurimi i sëmundjeve të mushkrive
Në 1 litër ujë të distiluar, hedhim 10 gr katran pishe. Tretësirën e përftuar e lëmë të pushojë për 24 orë. Më pas, kullohet dhe i shtohet 1800 gr sheqer, i cili tretet mirë në të. Prej saj merren 4 lugë në ditë. Është mirë që shurupi të merret para bukës në stomak të shëndoshë, apo pas bukës në pacientët me pengesa gastrite.
VAZHDO TË LEXOSH MË TEPËR PËR TEMËN
Cilësitë e shkëlqyera të kumbullës, kurative!
Mani i zi/ Kuron mëlçinë, por ngjyros dhe flokët!
