MENU
klinika

Presin vit më të mirë

Shqiptarët janë optimistë për 2019

28.12.2018 - 15:52

Shqiptarët janë një ndër popujt më optimistë në pritshmëritë e tyre për vitin 2019. 71% e shqiptarëve mendojnë se 2019 do të jetë një vit më i mirë se 2018.

Këtë e thotë “Gallup International” në “Indeksin e shpresës 2019”, një anketë që publikohet çdo vit. Por, nuk mbaron me kaq. Rezultati më mbreslënës është ai se, shqiptarët janë të parët në botë për nga optimizmi që kanë për 2019-ën.

Norma e atyre që nuk janë optimist ndërkohë ndahet mes pesimistëve, 10%  dhe neutralëve 18%, ndërkohë që 1% nuk jep përgjigje. Norma disi më e lartë e pesimistëve, rreth 10%, bën që Shqipëria të zbresë e dyta në indeksin global të vendeve më optimiste për 2019, pas Indisë, ku optimistët janë 69%, por pesimistët vetëm 5%.

Edhe në një tjetër drejtim, atë të pritshmërive për paqen në botë gjatë vitit të ardhshëm, shqiptarët janë në krye të listës, duke zënë vendin e 4-t në botë, me ata që mendojnë që bota do të jetë më paqësore në 2019 në 60%, dhe ata që mendojnë që jo, në 22%.