Presidenti Trump ka urdhëruar tërheqjen e 2.000 trupave amerikane nga Siria, duke sjellë një fund të papritur në një fushatë ushtarake që mundi Shtetin Islamik..
Duke urdhëruar gjeneralët e tij dhe këshilltarët civil, Trump plotësoi dëshirën e tij të shprehur shpesh për të sjellë forcat amerikane në shtëpi.
Natyra e papritur, kaotike e lëvizjes, ngriti pyetje sesi Trump do të vazhdojë me këtë strategji. Edhe pas njoftimit të presidentit, Pentagoni dhe Departamenti i Shtetit vazhduan të përpiqen ta bindin Trump të heqë dorë nga kjo ide.
“Ne kemi fituar kundër ISIS,” tha Trump në një video të postuar të mërkurën në mbrëmje në Twitter, duke shtuar, “Djemtë tanë, gratë tona të reja, burrat tanë, ata të gjithë po kthehen” “Ne fituam, kështu duam ne, kështu duan edhe ata”, tha ai, duke drejtuar një gisht në qiell, duke iu referuar trupave amerikane që ishin vrarë në betejë.
Shtëpia e Bardhë nuk dha një afat kohor apo specifika të tjera për largimin ushtarak. “Ne kemi filluar të kthejmë trupat e Shteteve të Bashkuara në shtëpi, ndërsa kalojmë në fazën tjetër të kësaj fushate,” tha Sarah Huckabee Sanders, sekretare e shtypit e Shtëpisë së Bardhë. Zyrtarët e Departamentit të Mbrojtjes thanë se zoti Trump kishte urdhëruar që tërheqja të përfundonte brenda 30 ditëve.
Vendimi solli një protestë në Kongres, madje edhe nga aleatët republikanë të Trump si senatori Lindsey Graham i Karolinës së Jugut, i cili tha se kishte qenë “i verbër”. Kreu Demokratik i Shtëpisë, Përfaqësuesja Nancy Pelosi e Kalifornisë, tha që presidenti kishte vepruar nisur nga “objektiva personale ose politike” dhe jo nga interesat e sigurisë kombëtare.
Vendimi ishte tronditës dhe ende i parashikueshëm. Për më shumë se një vit, dhe veçanërisht pasi shteti islam është larguar nga pjesa më e madhe e territorit në veri të Sirisë, ai u ka thënë këshilltarëve se ai donte të tërhiqte trupat amerikane nga atje .
Sekretari i Mbrojtjes Jim Mattis dhe zyrtarë të tjerë të lartë të sigurisë kombëtare argumentuan se një tërheqje në thelb do të dorëzonte ndikimin perëndimor në Siri Rusisë dhe Iranit.
Politika e sigurisë kombëtare e administratës Trump bën thirrje për sfidimin e të dy vendeve, të cilat janë përfituesit kryesorë të presidentit Bashar al-Assad të Sirisë dhe i kanë dhënë atij vite me mbështetje financiare dhe ushtarake.
Braktisja e aleatëve kurdë, thanë zyrtarët, do të dëmtonin përpjekjet e ardhshme amerikane për të fituar besimin e luftëtarëve lokalë për operacionet kundër terrorizmit, duke përfshirë në Afganistan, Jemen dhe Somali.
Ministria e Jashtme ruse e përshëndeti këtë veprim, sipas agjensisë së lajmeve TASS, duke thënë se një tërheqje krijoi perspektivat për një zgjidhje politike për luftën civile të Sirisë.
Pentagoni tha në një deklaratë se do të vazhdonte të punonte me partnerët dhe aleatët për të mposhtur shtetin islam kudo që vepronte.
Vendimi i Trump kundërshtoi atë që zyrtarët e lartë të sigurisë kombëtare kanë thënë në javët e fundit. Dy muaj më parë, këshilltari i sigurimit kombëtar, John R. Bolton, tha se Shtetet e Bashkuara nuk do të largoheshin nga Siria për aq kohë sa Irani po ushtronte ndikim atje.
Komandantët ushtarakë kanë frikë se një tërheqje e nxituar do të rrezikojë fitimet territoriale ndaj Shtetit Islamik nga Shtetet e Bashkuara dhe partnerët e saj të koalicionit, ose në thelb përsëritjen e asaj që ndodhi pasi paraardhësi i zotit Trump, Presidenti Barak Obama, tërhoqi trupat nga Iraku në 2011.
Edhe aleatët amerikanë reaguan. Kryeministri Benjamin Netanjahu i Izraelit e quajti atë “sigurisht, një vendim amerikan”, por analistët thanë se tërheqja do të sulmojë përpjekjet e Izraelit për të frenuar ndikimin iranian në Siri.
Në një deklaratë nga qeveria britanike tha se nuk duhet të harrojmë kërcënimin që Sjhteti Islamik paraqet.
Jo të gjithë fajësuan lëvizjen e presidentit. Robert S. Ford, ambasadori i fundit amerikan në Siri, tha se Shtetet e Bashkuara mund të vazhdojnë të godasin objektivat terroriste nga ajri.
“I gjithë konflikti sirian ka të bëjë me marrëdhëniet e sirianëve me sirianët e tjerë,” tha zoti Ford, i cili tani është anëtar i Institutit të Lindjes së Mesme. “Dy mijë trupa dhe një duzinë diplomatë amerikanë nuk mund ta rregullojnë këtë.”/konica.al
VAZHDO TË LEXOSH MË TEPËR PËR TEMËN
A do të vijë ndonjëherë demokracia në Siri?
Beteja për Idlib-in
