Deputetja e Partisë Socialiste, Vasilika Hysi nga foltorja e Kuvendit tha se nisma për reformën në drejtësi të propozuar nga Partia Demokratike është e paqartë.
“Në këtë kuadër kjo nisëm kufizon të drejtën për tu zgjedhur për personat që kanë lidhje me persona problematike të bllokohet . Opozita kërkon të votojë përmes një mekanizmi edhe drejtuesin e KLGJ Dhe KLP dhe nuk thotë asnjë fjalë se çfarë thotë për familjarët e tyre. Kuvendi i Shqipërisë dhe mbledhja e përbashkët ka ndjekur një procedurë transparente”, tha ajo.
Nëfjlaën e saj Hysi ndaloi edhe tek Komisioni i Venecias, i cili sipas saj ka ardhur në Tiranë dhe ka dëgjuar të gjitha palët politike dhe grupet e interesit.
Gjithashtu nuk kursej aspak edhe opozitën, teksa shtoi se kjo e fundit e ka kthyer me kohë të pjesshme prezencën në Kuvend.
“Më lejoni të theksoj se delegacioni i Venecias i ka dëgjuar të gjitha palët. Raporti është shumë i qartë dhe pa ekuivok. Kolegët e opozitës kanë humbur trenin dhe Kuvendin e kanë kthyer me kohë të pjesshme. Brenda janarit do të kemi Kryeprokurorin e përgjithshëm. Nisma juaj kërkon ta bëj pis reformën në drejtësi”, shtoi ajo.
