Ndalimi i dy ushtarëve serbë të FSK-së nga Serbia, ka sjellë edhe reagimin e kreut të Nismës Socialdemokrate, Fatmir Limaj.
Përmes një postimi në rrjetet sociale, Limaj e ka cilësuar këtë veprim të Serbisë si një provokim dhe sipas tij qëllimi i këtij provokimi është frikësimi i serbëve të integruar në Kosovë.
“Serbia duhet t’i ndale provokimet njëherë e përgjithmonë dhe sjelljen e saj destruktive dhe pjesëtaret e FSK-së duhet të lirohen menjëherë. Është shqetësues lajmi për ndalimin e dy pjesëtareve të Forcës së Sigurisë së Kosovës nga komuniteti serb në vendkalimin kufitar në Jarinje.
Ky veprim dhe veprime të tjera të orkestruara ditët e fundit nga autoritetet serbe, kanë për qëllim frikësimin e serbëve të integruar në institucionet e Kosovës. Serbia duhet t’i ndale provokimet njëherë e përgjithmonë dhe sjelljen e saj të mbrapshtë. Pjesëtaret e FSK-së duhet të lirohen menjëherë”, ka shkruar Limaj.
