Fondi Monetar Ndërkombëtar uli projeksionet e rritjes së ekonomisë botërore për vititn 2019 dhe 2020. Parashikimet u ulën, në 3.5% dhe 3.6% dhe arsyeja kryesore është pesimizmi tregjet financiarë.
Fondi bëri të ditur se rritja ekonomike do të jetë 0.2% më e ulët këtë vit dhe 0.1% në rënie për 2020-ën, krahasuar me projeksionet e muajit Tetor.
Në veçanti, rritja e ekonomive të zhvilluara pritet të ngadalësohet nga 2.3% në 2018-ën, në 2% këtë vit dhe 1.7% në tjetrin. Bota në zhvillim do të pësojë gjithashtu ngadalësim këtë vit, përpara se të rifitojë vrull në vitin 2020.
Fondi projektoi një rritje me 6.6% të ekonomisë kineze për vitin 2018, që ishte e njejtë me treguesin e publikuar nga zyra e statistikave në Kinë.
Ndërkohë që rritja ekonomike botërore po ngadalësohet, FMN argumenton se prioriteti në politika duhet të jetë rritje e perspektivës afatmesëm dhe zgjerimi i përfshirjes ekonomike.
FMN këshillon rritje të bashkëpunimin ekonomik dhe tregtar si edhe optimizim të politikave të brendshme, përfshirë rritjen e produktivitetit, diversifikimin e strukturave të industrisë, rritjen e pjesëmarrjes së fuqisë punëtore dhe trajtimin e borxhit.
Ulja e projeksioneve u lajmërua nga shefja e ekonomistëve të FMN, Gita Gopinath, përpara takimit vjetor në Davos që do të zhvillohet këtë javë.
