Në vitet e kaluara, ishte shumë e zakonshme që fëmijët të hiqnin bajamet. Sot, mjekët dinë shumë më tepër rreth bajameve dhe janë më të kujdesshëm në rekomandimin e heqjes së tyre.
Bajamet janë në formë ovale, janë pjesa rozë e indeve në të dyja anët e fytit. Adenoidet janë të ngjashëm me bajamet dhe ndodhet në pjesën e sipërme të fytit. Të dy bajamet dhe adenoidet janë pjesë e mbrojtjes së trupit kundër infeksioneve.
“Grykët” sic thuhet zakonisht janë një inflamacion i bajameve zakonisht për shkak të infeksionit.
Ka disa shenja të inflamacionit, duke përfshirë:
-Bajamet të kuqe dhe të fryra;
-Një veshje e bardha ose e verdhë mbi bajamet;
-Zë “i zbehtë”;
-Dhimbje të fytit;
-Gëlltitja e dhimbshme;
-Nyjet limfatike të fryra (“gjëndra”) në qafë;
-Ethe;
Nuk është gjithmonë e lehtë të zbulohet kur adenoidi i fëmijës zmadhohet pasi disa fëmijë lindin me një adenoid më të madh.
Të tjerë mund të kenë zgjerim të përkohshëm të adenoidit për shkak të ftohjes ose infeksioneve të tjera. Kjo është veçanërisht e zakonshme tek fëmijët e vegjël.
Ënjtja ose zgjerim i vazhdueshëm mund të shkaktojë probleme të tjera shëndetësore të tilla si infeksionet e veshit dhe sinusit.
Disa shenja të zmadhimit të adenoidit janë:
-Frymëmarrje me gojë në shumicën e kohës;
-Frymëmarrje e zhurmshme gjatë ditës;
-Gërhitës gjatë natës;
Të dyja, bajametet dhe adenoidi mund të zmadhohen në qoftë se fëmija ka simptomat e përmendura më lart, së bashku me ndonjë nga të mëposhtmet:
-Ndalon frymëmarrjen për një kohë të shkurtër gjatë natës gjatë ,gërhet ose merr frynë thellë (kjo gjëndje quhet “apnea e gjumit”).
-Mbytje ose gulçim gjatë gjumit.
-Vështirësi në gëlltitje me ushqime veçanërisht të ngurta.
-Një zë i vazhdueshëm “i zymtë”, edhe kur nuk ka grykë.
Trajtimi:
Nëse fëmija tregon ndonjë nga këto shenja apo simptoma të zmadhimit të bajameve ose adenoidit, dhe nuk përmirësohet gjatë një periudhe prej disa javësh, bisedoni me pediatrin. Tek shumë fëmijë, bajamet dhe adenoidi , zmadhohen pa infeksione të dukshme. Ata shpesh tkurren pa trajtim.
Pediatri mund të rekomandojë kirurgji për këto kushte:
-Bajamet ose adenoidi janë të ënjtura dhe vështirësojnë frymëmarrjen normale;
-Bajamet të fryra dhe fëmija ka probleme me gëlltitjen;
-Fëmija ka infeksione të përsëritura të veshit ose të sinusit pavarësisht nga trajtimi. Në këtë rast, mund të rekomandohet kirurgji për të hequr vetëm adenoidin.
-Fëmija ka dhimbje të rënda çdo vit;
Nyjet limfatike të fëmijës nën nofullën e poshtme janë të fryra për të paktën gjashtë muaj, madje edhe me trajtim antibiotik.
Megjithëse nuk është aq e zakonshme sa ka qënë dikur, disa fëmijë duhet të heqin bajamet ose adenoidet.
Nëse fëmija ka nevojë për kirurgji, sigurohuni që ai të dijë se çfarë do të ndodhë para, gjatë dhe pas operacionit.
Pediatri mund t’ju ndihmojë ju dhe fëmijën të kuptoni operacionin dhe ta bëni më pak të frikshëm këtë proçes.
