Portokalli është një frut mjaft i ushqyeshëm, i cili të mbron më së miri nga ftohja, gripi apo paraliza.
Aroma e tij forcon zemrën, ndërsa lëngu i lëkurës neutralizon helmin në rastet e thumbimit të akrepit, qetëson inflamacionet e traktit digjestiv si dhe mënjanon morrat nga flokët.
Nëse zihet lëvozhga e frutit me vaj ulliri, kjo përzierje parandalon rënien e flokëve dhe shëron dhimbjet e këmbëve.
Fruti i tij është i pasur me vitamina A, B, C, P, kripëra kalciumi, fosfori etj, të cilat gjenden më së shumti në lëvoren e tij, ndaj këshillohet që lëngu i portokallit të konsumohet bashkë me lëkurën.
Te fëmijët e vegjël ai këshillohet të përdoret i përzier me pak sheqer, qysh në muajin e 3 pas lindjes. Nga lëvozhga e portokallit del vaj eterik shumë i mirë, i cili gjen përdorime të shumta në prodhimin e lëngjeve, aromave, ilaçeve etj.
Kuron gurët në veshka
Konsumohen çdo ditë 5-10 kokrra portokaj, duke e vazhduar kurën 20-30 ditë. Kjo kurë është efikase edhe në sëmundjet e mëlçisë apo ato kardiovaskulare.
Kuron sëmundjet e stomakut dhe zorrëve
Rreth 10-15 kokrra portokaj të pjekur mirë, qërohen dhe lëvoret e tyre vihen të ziejnë për rreth gjysëm ore në gjysmë litri ujë.
Nga lëngu i përftuar pihen 1-2 gota në ditë. Kur ky lëng pihet i ngrohtë, i bën mirë rrugëve të sipërme të frymëmarrjes, acarimeve në grykë apo çjerrjeve të zërit.
