Higjiena e dhimbjes së kokës është praktika e kujdesit për veten në një mënyrë që do të reduktohen gjasat, frekuencën, intensitetin dhe ashpërsinë e dhimbjeve të kokës.
Me siguri mund të pyesim veten nëse kjo është e mundur. Me të vërtetë është! Shumë faktorë të jetesës ndikojnë në migrenë dhe në kushtet e tjera të dhimbjes së kokës. Prandaj, kujdesi për këta faktorë jetësor mund të ndihmojë në reduktimin e rrezikut të sulmeve të rënda.
Këto përfshijnë dy hapa të thjeshtë:
*Ndryshimet e jetesës;
*Shmangia e dhimbjes që në fillim’
Migrena nuk është një çrregullim i parashikueshëm për të gjithë njerëzit. Gjëra të thjeshta si ndryshimet në rutinën normale mund të çojnë në një sulm të ashpër të migrenës. Kuptimi se si mënyra e jetesës ndikon në ashpërsinë dhe frekuencën e sulmeve mund të jetë një pjesë e madhe e parandalimit të suksesshëm të migrenës.
Është e pamundur të presësh që dikush të ndryshojë plotësisht një mënyrë jetese të caktuar. Megjithatë, disa gjëra janë relativisht të lehta për t’u bërë.
Për shembull:
Ruajtja një regjimi të rregullt të gjumit. Shkoni në gjumë dhe zgjohuni në të njëjtën kohë çdo ditë.
Ushtrohuni rregullisht. Për shembull, ushtrimet aerobike për të paktën 30 minuta tre herë në javë do të ndihmojë në uljen e frekuencës ose ashpërsisë së migrenës.
Hani rregullisht ushqim , mos kaloni vaktet dhe hani mëngjes mirë dhe të shëndetshëm.
Ulja e stresit. Kufizoni stresin duke shmangur konfliktet dhe zgjidhur mosmarrëveshjet me qetësi. Për disa njerëz është e dobishme të marrin një “pushim stresi” të përditshëm.
