29.01.2019 - 14:15
Ditën e sotme prokurori Bujar Sheshi bëri një kallzim penal kundër Autoritetit të Dosjeve pas akuzave si ish-sigurims me pseudonimin “Venusi”.
Sheshi ka paditur AISSH me akuzën “Falsifikim Dokumentesh”.
I menjëhershëm ka qenë reagimi i këtij institucioni. Kryetarja Gentiana Sula pas një takimi me ambasadoren gjermane ka thënë për mediat se u qëndron deklaratave të mëhershme dhe se janë bërë verifikimet e duhura.
“Jemi të hapur për çdo hetim, procesi ka qenë i drejtë, janë marrë të gjithë masat”, tha Sula.