28.01.2019 - 14:48
Teksa ka zhvilluar një vizitë në Serbi, presidenti slloven Borut Pahor ka diskutuar me presidentin serb Aleksandar Vuçiç edhe rreth çështjes së dialogut me Kosovën.
Ai ka komentuar idenë e shkëmbimit të territoreve Serbi-Kosovë duke e quajtur atë si një mënyrë për zgjidhjen e problemeve mes dy vendeve.
“Zgjidhja e problemeve ndërmjet Serbisë e Kosovës përmes korrigjimit të kufijve kërkon shumë mençuri, shumë përkushtim ndaj zgjidhjes paqësore dhe shumë besim të shteteve të tjera, sepse ai është proces që nuk bën t’iu sjellë dëm vendeve të tjera në rajon”, shkruan Pahor.
Ai këtë ide e ka quajtur të guximshme.
“Nuk do ta kisha hedhur poshtë, por do të kisha qenë shumë i kujdesshëm”, ka thënë në fund Pahor.
