U nda nga Jeta Tom Nikolla një nga themeluesit e Ansamblit të Këngëve dhe Valleve Popullore.
Tom Nikolla është një prej këngëtarëve shumë i dashur për publikun dhe me kontribut të rëndësishëm për futjen e këngës me çifteli në muzikën qytetare shqiptare bashkëkohëse. Që në moshë të re spikati dhe fitoi çmim ndërkombëtar për këngën folklorike në vitin 1957.
Më vonë ishte një nga themeluesit e Ansamblit Shtetëror te Këngëve dhe Valleve Popullore ku kontribuoj deri ne moshën e pensionit dhe në vazhdimësi.
Ishte njohës i folklorit dhe i muzikës popullore, prandaj fjala e tij në diskutime për këtë temë dëgjohej me interes.
Pati kolegë dhe këndoi së bashku me divat e këngës popullore si Drita Papajani, Luçije Miloti, Naile Hoxha. Toma me artin e tij ka korrur duartrokitje në Shqipëri dhe në disa vende të botës kur përkrah Ibrahim Tukiçit, Fitnete Rexhës, Vaçe Zelës, Xhevdet Hafizit e tjerë, dhanë koncerte duke përfaqësuar muzikën dhe folklorin tonë në mbarë botën.
Nuk e harroi asnjëherë rapsodinë, por e zhvilloi atë duke u bërë një nga përfaqësuesit më dinjitoz dhe i dashur me këngë patriotike që u rimorën dhe janë në repertorin e sotëm të shumë rapsodëve e grupeve muzikore në Shqipëri dhe Kosovë.
