11.01.2019 - 16:45
Kryetari i Këshillit të Emërimeve në Drejtësi Ardian Dvorani, ka thirrur mbledhjen e parë të këtij organizmi të krijuar nga paketa e reformës në drejtësi.
Në një njoftim të publikuar në faqen zyrtare, thuhet se mbledhja e KED, do të mbahet në datën 15 janar, në ora 10.00 në ambientet e Gjykatës së Lartë.
Pikat e rendit të ditës kanë të bëjnë veç të tjerash edhe me vendet vakante në Gjykatën e Lartë dhe Gjykatën Kushtetuese si dhe vendi i mbetur vakant në inspektoriatin e lartë të drejtësisë.