Mediat italiane bëjnë me dije se shqiptari i shumë kërkuar nga autoritetet italiane Armano Elezi është arrestuar nga policia shqiptare.
23-vjeçari ishte prej 3 vitesh në kërkim dhe akuzohet se është pjesë e një grupi që ka trafikuar 2 ton marijuanë përmes detit në vendin fqinj.
Ai është arrestuar gjatë një operacioni të përbashkët me policinë shqiptare, bëjnë me dije mediat italiane.
I riu në gusht të vitit 2016 i kishte shpëtuar policisë italiane, gjatë operacionit për arrestimin e trafikantëve që u kapën me 2 tonë marijuanë.
5 persona u kapën menjëherë nga policia e Ankonës dhe Pesaros, por njëri prej trafikantëve arriti të shpëtonte.
“23 vjeçari u arrestua në Shqipëri dhe pritet ekstradimi drejt Italisë, për të nisur gjyqin”, raportojnë mediat e vendit fqinj.