Veç rrugës me gropa dhe baltë, lagjja që njihet me emrin ‘Shtëpia e Mushkanjës’ në perëndim të qytetit të Shkodrës, është në gjendje të mjerueshme.
Janë bërë shumë premtime si për rregullimin e rrugës ashtu dhe sistemimin e kolektorit, por në terrenin konkret nuk ka ndryshuar gjë. Në këto kushte, me ngrohjen e motit, mjedisi këtu rrezikon të kthehet edhe në vatër epidemie, për rrth 4000 banorë që lidhen me këtë rrugë. Një banore e kësaj lagjeje tregon se kishin shpresuar se më në fund, Bashkia Shkodër do të ndërhynte për ti dhënë fund kësaj gjendje, por janë të zhgënjyer!
Kryetarja e Bashkise Shkodër, Voltana Ademi, kujtoi se “bashkia ka ndërhyrë deri tani në 12 blloqe banimi në qytetin e Shkodrës dhe në njësitë administrative, për rikonstruksion. Në vijim të këtyre investimeve, po punojnë edhe për një projekt për zonën tek Shtëpia e Mushkanjës, dhe nuk është e vërtetë se janë harruar”-, theksoi Ademi.
