Kryetari i Partisë Demokratike, Lulzim Basha ditët e fundit ka pasur takime në disa qytete të ndryshme për të ftuar ata t’i bashkohen protestës të 16 shkurtit.
Basha, duke marrë shkasë nga takimet me qytetarët, ka bëre premtimet e para që ata t’i besojnë votën.
Jo pak herë kreu i opozitës ka qenë në qendër të vëmendjes për lapsuset e bëra gjatë fjalës së tij. Edhe kësaj here ai nuk ka arritur t’i shpëtojë dot gafës së radhës ku teksa premton uljen e energjisë elektrike, ai thotë se energjia do të ulet me 300 lekë për litër.
Video është bërë virale dhe është postuar edhe nga kreu i grupit parlamentar të PS, Taulant Balla në rrjetin social, Facebook.
“Artisti i SHQUP-it nuk ka turp të premtojë çdo gjë. Por kjo shpikja që do ulë edhe çmimin e energjisë elektrike 300 lekë për litër, nuk ishte dëgjuar. Siklet i madh të ka zënë Lulezim, nga njëra anë kryetari i de facto i PD dhe nga ana tjetër kryetari alternativ i opozitës . Vetëm nga sikleti i lëshon edhe këto, se ty s’ta ve re njeri edhe po ia fute kot.
Nejse sa pa të zënë gjumi, nesër kemi Kuvend. Ora 10.00″, shkruan Balla.
