15.02.2019 - 18:45
Presidenti serb Aleksandar Vuçiç shprehu pakënaqësi për delegacionin e Kosovës në Konferencën për Siguri në Mynih.
Sipas tij, Kosova ka sjellë të gjithë ata që mund të flasin kundër shtetit serb dhe që e paraqesin veten të rrezikuar nga Serbia.
Vuçiç para gazetarëve gjatë pauzës së konferencës, tha se e pa Enver Hoxhën kalimthi dhe se aty ishin edhe Thaçi dhe Haradinaj.
“Ata bëjnë punë serioze. Kanë këtu në Mynih ambasadorë të shkëlqyeshëm, kanë sjellë të gjithë ata që kanë mundur, edhe Hoxhën, i cili flet shkëlqyeshëm gjuhën gjermane. Kjo nuk është për t’u nënvlerësuar. Të gjitha ato që na i bëjnë neve, i prezantojnë ndryshe, flasin për rrezikimin e tyre. Flasin atë që evropianët duan të dëgjojnë”, tha presidenti serb.
