MENU
klinika

Intervista

Dorëheqje? Rama për “Corriere Della Sera”: Kundërshtarët në krizë

18.02.2019 - 09:25

Kryeministri shqiptar Edi Rama në një intervistë dhënë për “Corriere della Sera” ka deklaruar prerë se as do të japë dorëheqjen dhe as do të ketë zgjedhje të parakohshme, Sipas tij, kundërshtarët opozitarë janë në krizë.

Edi Rama, kryeministri i Shqipërisë dhe kreu i Partisë Socialiste, nuk i mohon problemet e vendit. Për shembull, pranon se ka korrupsion. Ashtu si ekzistojnë gjykime të drejtuara nën praninë e ryshfeteve, ka pakënaqësi të të rinjve dhe trafik droge.

“Por qeveria ime po bën atë që askush tjetër nuk ka pasur guximin të bëjë për të eliminuar këto sëmundje nga shoqëria”, thotë ai në një intervistë me Corriere.

Ndërkohë pyetur për kërkesën e opozitës për të dhënë dorëheqjen, Rama jep këtë përgjigje:

“As nuk e çoj ndërmend. Kam një mandat të qartë nga populli, kemi një mazhorancë në Parlament dhe në fund unë kam detyrimin përballë bashkëkombësve të mi. Nuk jam i detyruar të ndjek kërkesat e minorancës parlamentare. I vetmi detyrim është kontrata me popullin shqiptar, që na ka dhënë votën për të qeverisur”.

Zoti Kryeministër, organizatat ndërkombëtare theksojnë nivelin shqetësues të korrupsionit në Shqipëri.

Qe në Shqipëri ka korrupsion është jashtë diskutimit. Dhe është një problem. Por mund të them gjithashtu se kjo qeveri po bën çmos për ta zhdukur atë.

SHKRIMI I PLOTË

Edi Rama, kryeministër i Shqipërisë dhe lideri i Partisë Socialiste nuk i mohon problemet që ka vendi. Korrupsioni, për shembull ekziston. Ashtu si ekzistojnë gjykime të drejtuara me tingujt e ryshfeteve. Pakënaqësia e një brezi të rinjsh. Dhe trafiku i drogës. “Por qeveria ime po bën atë që askush tjetër nuk ka pasur guximin të bëjë për të eliminuar këto të këqija nga shoqëria”, thotë ai në një intervistë me Corriere.

Kryeministër, organizatat ndërkombëtare theksojnë nivelin shqetësues të korrupsionit në Shqipëri…

Që në Shqipëri ka korrupsion as nuk diskutohet. Ekziston dhe është një problem. Por mund të them gjithashtu se kjo qeveri po bën çmos për ta çrrënjosur atë.

Po, por ju keni qenë kreu i qeverisë për pesë vjet e gjysmë?

Më lejoni t’ju them se jemi të përkushtuar maksimalisht për reformën e drejtësisë: si kurrë më parë ne po luftojmë korrupsionin dhe po punojmë për ta bërë administratën publike imune ndaj ryshfeteve.

Po ia dilni?

Është e qartë se është një luftë e gjatë: rezultatet nuk mund të vijnë menjëherë.

Të dhënat makroekonomike tregojnë se papunësia po bie, madje edhe tek të rinjtë. Por në mesin e të rinjve ka pakënaqësi …
Sot, Shqipëria tregon të dhëna shumë pozitive, mjafton të lexoni shifrat e Bankës Botërore. Kjo nuk do të thotë që ne kemi zeruar papunësinë apo kemi zgjidhur problemet e të rinjve, por kjo do të thotë që ne jemi në rrugën e duhur.

Dhe pastaj është plaga e gjyqtarëve që japin vendime të një lloj natyre në këmbim të ryshfeteve. Çfarë po bëni?

Atë që askush nuk e ka pasur guximin të bëjë në vendin tonë dhe në Ballkan, atë që thekson edhe Bashkimi Evropian. Ne po kryejmë një reformë që i heq magjistratët dhe gjykatësit e korruptuar nga gjykatat.

Një tjetër problem është trafiku i drogës që vazhdon të jetë i përhapur në pjesë të ndryshme të vendit…

Nuk mund ta mohoj. Por vetëm pak ditë më parë Guardia di Finanza prezantoi raportin e vitit 2018 mbi luftën kundër kanabisit në Shqipëri dhe rezultatet janë spektakolare për sa i përket fenomenit që po luftohet nga qeveria ime.

Protesta e studentëve disa javë më parë ju bëri të ndryshoni disa ministra të ekzekutivit tuaj. Kjo do të thotë se ai manifestim ishte i ndjeshëm?

Ishte një sfidë e sinqertë, ku studentët denonconin probleme reale. Për këtë arsye i dëgjuam dhe u përpoqëm të pranonim kritikat e tyre.

Opozita kërkon dorëheqjen tuaj. Ju çfarë keni ndërmend të bëni?

As që më shkon në mend. Unë kam marrë një mandat të qartë nga populli, kemi një shumicë të qartë në Parlament dhe në fund kam një detyrim ndaj bashkëkombësve të mi. Nuk jam i detyruar t’i nënshtrohem kërkesave të pakicës parlamentare. Detyrimi i vetëm është kontrata me popullin shqiptar që na dha votën për të qeverisur.

Pra, pas asaj që ndodhi të shtunën, sipërmarrësit italianë dhe të huaj nuk duhet të kenë frikë nga asgjë?

Jo. E vetmja gjë që ka bërë protesta e opozitës ishte t’i jepte Shqipërisë një imazh negativ me një dhunë absurde, por me një rezultat zhgënjyes. Pasoja e vetme konkrete ishte shkatërrimi i një vepre arti, një kërpudhë, të cilën e kisha instaluar në oborrin e Kryeministrisë.