Një tjetër ngjarje e rëndë është shënuar orët e para të mëngjesit të sotëm.
Një person është gjetur i vrarë brenda makinës së tij në Durrës.
Ngjarja e rëndë ka ndodhur në zonën e ish-Kënetës.
Mësohet se viktima është identifikuar si shtetasi me iniciale M.N. Nga këqyrjet e para vihet re se viktima është vrarë me armë zjarri.
Gjithashtu bëhet me dije se policia ka arritur të identifikojë autorin e vrasjes dhe e ka shpallur atë në kërkim.
Informacion paraprak
Më datë 24.02.2019, rreth orës 01:10, në lagjen Ish Kënetë, shtetasi N.Z. 37 vjeç, për motive të dobëta dyshohet se ka vrarë me armë zjarri shtetasin M.N., 45 vjeç, banues në kete lagje.
Autori i dyshuar pas krimit është larguar menjëherë dhe është shpallur në kërkim. Policia po punon për kapjen e tij.
Grupi Hetimor në bashkëpunim me Prokurorinë e Rrethit Gjyqësor Durrës po punojnë për zbardhjen e plotë të rrethanave te kësaj ngjarje.
