25.02.2019 - 10:25
Një 68-vjeçar nga qyteti i Fierit është gjetur i pajetë në banesën e tij në lagjen “Kastriot”. Shtetasi i identifikuar si Mistokli Llupi jetonte i vetëm.
Ka qenë vëllai i tij ai që ka gjetur mbrëmjen e djeshme trupin e pajetë brenda banesës.
Mësohet gjithashtu se ky shtetas kishte ndërruar jetë tre ditë më parë. Ndërkohë që shkaqet e vdekjes janë ende të paqarta.
Paraprakisht mësohet se 68-vjeçari vuante nga problemet kardiake, ndërkohë që pritet ekspertiza mjeko-ligjore për të mësuar përgjigjen zyrtare për vdekjen.
