Ministri i Brendshëm, Sandër Lleshaj është pyetur sot në Komisionin e Medias se kush e dha urdhërin për ndërhyrje në fakultet.
I gjendur përballë kësaj pyetjeje, Lleshaj tha se ndërhyrja u bë për shkak të një kërkese që vinte nga administratori i fakultetit.
Pjesë nga debati:
Vokshi: Kush e ka dhënë urdhrin?
Lleshaj: Edhe njëherë po ju them policia vepron, gjatë një dite mund të bëjë me qindra operacione. Nuk ka urdhra specifikë. Në këtë rast kemi një kërkesë. Në rastet që po flasim policia ka vepruar me kërkesa. Kërkesa është e ligjshme
Noka: Maliqi pra është mbi ligjin.
Vokshi: Zoti ministër ku thoni është e ligjshme…
Lleshaj: Kërkesa ka mbërritur te marrësi i saj që është Drejtoria e Policisë së Tiranës.
Vokshi: Pra drejtori i policisë së Tiranës ka dhënë urdhrin
Lleshaj: Unë erdha i vetmuar, pa shumë njerëz mbrapa. Nuk erdha me drejtorin e policisë
Vokshi: E dinit që tematika ishte për Policinë e Shtetit?
Noka: Ministri i rëndësishëm, duhet të jetë i përgatitur. Kur e ka kohën e pamundur për atë lloj informacioni duhet të marrë autoritetin përgjegjës që është drejtori i policisë.
Pra kjo është një formë dhe mënyrë normale dhe ligjore me të cilën një ministër duhet të ballafaqohet. A s’keni dashur të përgatiteni apo nuk doni të përgjigjeni, është puna juaj.