Mediu kthehet nga Vjena/ Çfarë vendimi mori për djegien e mandatit?

Kreu i Partisë Republikane, Fatmir Mediu është kthyer nga Vjena.

Ashtu sikurse pritej, sapo ai ka mbërritur ka firmosur sot djegien e mandatit të deputetit duke u bërë pjesë e vendimit të opozitës së bashkuar.

Mësohet se në lidhje me këtë vendim pritet një prononcim i Mediut.

Gjithashtu pritet që edhe një tjetër deputet i opozitës të djegë mandatin e tij të deputetit.

Bëhet fjalë për Nard Ndokën, i cili ndodhet në Bruksel.

Një tjetër deputete që ndodhet jashtë shtetit dhe që nuk ka firmosur ende djegien e mandatit është edhe Rudina Hajdari.