Presidenti i Republikës së Shqipërisë, Ilir Meta, ishte i ftuar në Senatin amerikan, ku ditën e sotme ka lëshuar disa deklarata.
Në këtë senat i Ftuar Nderi nga Kryetari i Komisionit të Mbrojtjes, ishte Senatori Jim Inhofe.
Gjatë takimit Meta vuri tek domosdoshmëria e stabilitetit, paqes dhe sigurisë afatgjatë në rajon duke shprehur hapur qëndrimin e tij tashmë të qartë kundër ndryshimit të kufijve në Ballkan.
Sipas Metës i vetmi ndryshim kufijsh në rajon duhet të jetë zgjerimi i plotë i kufirit europian.
“Shqipëria ka qenë dhe vazhdon të jetë katalizator jetik për të zgjeruar kufijtë e NATO dhe Bashkimit Europian, pasi ato mbeten bazat e stabilitetit dhe begatisë në Ballkanin Perëndimor.
Ndryshimi i vetëm kufitar për të cilin duhet të punojmë ditë e natë në rajonin tonë është zgjerimi i plotë i kufirit europian”, – ka theksuar Meta në fjalën e mbajtur në Senatin amerikan.
