Presidenti i Republikës, Ilir Meta vijon vizitën zyrtare në Shtetet e Bashkuara të Amerikës.
Meta ka marrë pjesë në forumin “Transatlantic Leadership Network”, ndërsa ka theksuar se bashkëveprimi i SHBA me BE rezultoi kyç për arritjen e Marrëveshjes së Prespës dhe se ky unitet dhe koordinim duhet të reflektohet edhe në dialogun Kosovë-Serbi.
“Në Forumin e nderuar “Transatlantic Leadership Network” theksova sot se bashkëveprimi i SHBA me BE rezultoi kyç për arritjen e Marrëveshjes së Prespës dhe suksesin e Maqedonisë së Veriut.
Dëshirojmë që ky unitet dhe koordinim SHBA-BE, të reflektohet dhe për përmbylljen me sukses të dialogut Kosovë-Serbi”- thotë Meta përmes një statusi në Facebook.