12.02.2019 - 14:01
Ditën e sotme në orën 11:00 është ngritur zyrtarisht gjatë një ceremonie solemne flamuri i NATO-s, para objektit të Qeverisë së Maqedonisë së Veriut.
Me rastin e këtij eventi, kryeministri Zoran Zaev ka mbajtur një fjalim. Mbishkrimi “Qeveria e Republikës së Maqedonisë” është mënjanuar nga objekti i qeverisë.
Ky vendim është marrë me qëllim që të shtohet edhe pjesa “E Veriut” në mënyrë që të përshtaten me emrin e ri kushtetues të shtetit.
Pas Qeverisë pritet që të ndërrohet edhe tabela e Kuvendit, ministrive dhe institucioneve tjera shtetërore.
